İraqın Kut şəhərində yerləşən iri ticarət mərkəzində baş verən yanğında həyatını itirənlərin sayı 63-ə çatıb, 40 nəfər yaralanıb.

INA agentliyinin yaydığı məlumata əsasən, İraqın Səhiyyə Nazirliyi bildirib ki, yanğının baş verdiyi ticarət mərkəzi bir neçə gün əvvəl fəaliyyətə başlayıb. Yanğının ticarət mərkəzinin hipermarket və restoran olan hissəsində meydana gəldiyi deyilir.

Hadisənin araşdırılması üçün istintaq qrupu yaradılıb. İstintaqın ilkin nəticələri 48 saat ərzində ictimailəşdiriləcək.

Gecədən hadisə yerinə yanğınsöndürmə dəstələri səfərbər olunub. Xilasedicilər demək olar ki, bütün hündürmərtəbəli binanı əhatə edən alovu söndürməyə çalışır.

Hadisənin təfərrüatları barədə məlumat verilmir.