Böyük Britaniyada Bukinqem sarayınının tennis kortunda oynanılan oyun zamanı tətbiq edilən dres-kod ləğv olunub.

Xarici KİV-lər yazır ki, Böyük Britaniyanın kralı III Çarlzın təşəbbüsü ilə tennisçilərin rəngarəng geyimlərdə oynamasına icazə verilib. Bundan əvvəl saray kortunda oyunçuların yalnız ağ geyim geyinməsi tələb olunurdu.

Monarx bu addımı oyunçuların özlərini daha rahat hiss etmələri üçün atıb.

Kort 1919-cu ildə Bəkinqem sarayının ərazisində inşa olunub. Ondan əsasən sarayın əməkdaşları istifadə edir, lakin bəzən oynayanlar arasında kral ailəsinin üzvləri də olur. Tennisçiləri ağ geyimdə oynamağa məcbur edən ənənə 106 il davam etmişdi.