Yaxın Şərqdə baş verən son hadisələr və bir sıra ölkələrin hava məkanlarının təhlükəsizlik səbəbindən bağlanması ilə əlaqədar Azərbaycan Hava Yolları aviaşirkətinin 13 iyun 2025-ci il tarixinə planlaşdırılan bəzi reyslər ləğv edilib.

“Azərbaycan Hava Yolları” QSC-nin yayadığı məlumata əsasən, aşağıdakı reysləri ləğv edilib:

• Bakı-Lahor-Bakı
J2 145/146
• Bakı-Mumbai-Bakı
J2 059/060
• Bakı-Dammam-Bakı
J2 8205/8206

“AZAL uçuşların təhlükəsizliyini əsas götürərək vəziyyəti daim nəzarətdə saxlayır və sərnişinləri hər hansı yenilik barədə operativ şəkildə məlumatlandıracaq.

Əlavə suallar yaranarsa, sərnişinlər callcenter@azal.az elektron poçt ünvanı vasitəsilə aviaşirkətə müraciət edə bilərlər”, – məlumatda qeyd edilib.

Qeyd edək ki, İran-İsrail gərginliyi fonunda Birləşmiş Ərəb Əmirliyinə aid “FlyDubai” loukosteri İsrail, İordaniya, İraq, İran, Livan və Suriyaya uçuşların dayandırdığını elan edib. Bölgədəki eksalasiya ilə əlaqədar bəzi reyslər təxirə salınıb və ya başqa istiqamətlərə yönləndirilib.

“EgyptAir” şirkətidə Yaxın Şərqdəki hadisələr və İraq, İordaniya və Livanın hava məkanının bağlanması ilə əlaqədar Bağdad, Amman və Beyruta reysləri ləğv edib.

“Air Astana” qrupu İran və İraq hava məkanının bağlanması ilə əlaqədar olaraq “Air Astana” və “FlyArystan” aviaşirkətlərinin bəzi müntəzəm və çarter reyslərinin marşrutlarında dəyişikliklər barədə müştərilərə məlumat verir. Şarm-əl-Şeyx, Dubay, Doha, Manama və Mədinəyə həyata keçirilən reyslər İran və İraq hava məkanından yan keçməklə icra olunacaq.