İyunun 6-sı günü Qurban bayramı qeyd olunacaq. Dövlət səviyyəsində 2 gün bayram qeyd olunacaq.

Din xadimləri bildrirlər ki, şəriət qaydasında insanlar 3 gün də, yəni iyunun 6, 7, və 8-i qurban kəsə bilərlər.

Bu il, hər il olduğu kimi, bütün məscidlərimizdə Qurban bayramının namazı qılınacaq.

Bayram namazı iyunun 6-da qılınacaq. Məscid icması bayram namazı vaxtının təyin edilməsi məsələsində azaddır, imam məscidə gələn camaatı nəzərə alaraq namazı saat 8 və ya 9-a təyin edə bilər.

Qeyd edək ki, Nazirlər Kabinetinin qərarına əsasən, iyunun 6-sı və 7-də ölkədə Qurban bayramı qeyd ediləcək. İyunun 7-si şənbə gününə təsadüf etdiyindən Əmək Məcəlləsinə uyğun olaraq iyunun 9-u qeyri-iş günü olacaq. Həmçinin, iyunun 8-i bazar gününə təsadüf etdiyindən ardıcıl 6, 7, 8 və 9 iyun tarixləri qeyri-iş günləri olacaq.