Milli Məclisin Səhiyyə komitəsinin sədr Əhliman Əmiraslanov komitənin bugünkü iclasında Əmək Məcəlləsi və digər üç qanunda dəyişiklik edilməsi barədə qanun layihəsinin müzakirəsi zamanı deyib ki, 65 yaşdan sonra tibb işçilərinin təqaüdə göndərilməsi məsələsi müzakirə olunub.

Komitə sədri qeyd edib ki, dəfələrlə həm TƏBİB, həm də Səhiyyə Nazirliyinin rəhbərliyi ilə bu məsələ müzakirə olunub və burada kimisə günahlandırmaq olmaz, çünki vaxtilə Milli Məclisdə bu qərar səsverdəyə qoyularaq qəbul edilib.

“Müraciət edəndə bizə deyirlər ki, qanunu ortadan götürün, 65 yaş məsələsini gündəmdən çıxaraq. Sahiyyə nazirindən də xahişimiz bundan ibarətdir ki, necə ki təhsildə bunu etdilər, yaş həddini ləğv etmək lazımdır. Çünki bu bölgələrdəki həkim çatışmazlığının aradan qaldırılmasına kifayət qədər kömək edəcək”, – deyə komitə sədri vurğulayıb.