Dövlət İmtahan Mərkəzinin İdarə Heyətinin sədri Məleykə Abbaszadə ali təhsil müəssisələrinə qəbul imtahanlarının başlanması ilə əlaqədar mətbuat konfransı keçirib. Tədbir çərçivəsində plan yerləri, müsabiqə şərtləri, qayda pozuntuları, qiymətləndirmə materialları ilə bağlı sualları cavablandırıb.

Konfransda M. Abbaszadə qeyd edib ki, bu həftəsonu keçiriləcək II və III ixtisas qrupları üzrə qəbul imtahanlarında 54246, iyunun 1-də keçiriləcək I və IV ixtisas qrupları üzrə imtahanlarda isə 37692 abituriyentin iştirakı nəzərdə tutulduğunu bildirib.

O qeyd edib ki, bu mərhələdə də ötən illə müqayisədə təqribən 7 mindən çox imtahan iştirakçısı var. İmtahan keçirilən şəhər və rayonlara toxunan sədr onların sayının daim artırılmasına diqqət yetirildiyini söyləyib.

“2012-ci ildən etibarən keçirilən buraxılış imtahanları bütün şəhər və rayonlarda təşkil olunur. Qəbul imtahanları isə lap əvvəllər Bakı və Naxçıvanda, daha sonra DİM-in regional bölmələrinin yerləşdiyi digər böyük şəhərlərdə, hazırda isə respublikamızın 24 şəhər və rayonunda keçirilir. Sevindirici haldır ki, Dövlət İmtahan Mərkəzi artıq Xankəndi şəhərində də qəbul imtahanları keçirəcək. Bu işğaldan azad edilmiş bölgələrdə keçirilən ilk qəbul imtahanıdır. Artıq işğaldan azad olunmuş bölgələrdə yaşayan abituriyentlər öz doğma torpaqlarında imtahan verirlər” – deyə sədr bildirib.

Plan yerləri haqda bəhs edərək M. Abbaszadə deyib ki, plan yerlərinin 28401-i dövlət sifarişlidir və onların sayı ötən illə müqayisədə 2.04% və ya 568 yer artıb.

Orta ixtisas təhsili müəssisələrinə qəbul planı və ötən illə müqayisəsi isə aşağıdakı kimidir:

“2025-ci ildə imtahanda iştirak edən orta statistik şagirdin balı 132.33, 2024-cü ildə isə 132.09 olub. Qeyd edək ki, bu mərhələdə toplanıla biləcək maksimal bal 300-dür”.

Bu il ali təhsil müəssisələrinə qəbul olmaq üçün qeydiyyatdan keçən abituriyentlərin sayı 130 mindən artıqdır, ötən illə müqayisədə ərizələrin sayında təqribən 12 min artım var.

“Bu ilk növbədə 2025-ci ildə məzun olan abituriyentlərin sayının çoxluğu ilə bağlıdır. Bu il buraxılış imtahanlarında 116 mindən çox şagird iştirak edib. 2024-cü il ilə müqayisədə 2025-ci ildə ali təhsil müəssisələrinə ərizə qəbulu sayı12138 nəfər artım olub. Buraxılış imtahanlarında isə 11710 nəfər artım olub”, – deyə sədr əlavə edib.

Ali təhsil müəssisələrinə qəbul olmaq üçün müsabiqə şərtlərində hər hansı dəyişiklik nəzərdə tutulmur və ötən illərdə olduğu kimi, ümumi 200, imtahanın ikinci mərhələsində 100 (bəzi ixtisaslar üzrə ümumi 150 və ikinci mərhələ üçün 50) bal toplayanlar ixtisas seçimində iştirak edə biləcəklər.

DİM sədri, bu il keçirilən tam (11 illik) orta təhsil səviyyəsi üzrə buraxılış imtahanları haqqında danışan sədr ötən illə müqayisədə nəticələrin bir-birinə demək olar ki, uyğun olduğunu vurğulayıb.

“2025-ci ildə imtahanda iştirak edən orta statistik şagirdin balı 132.33, 2024-cü ildə isə 132.09 olub. Qeyd edək ki, bu mərhələdə toplanıla biləcək maksimal bal 300-dür”,- deyə o əlavə edib.

Tədbir zamanı bildirilib ki, hazırda buraxılış və qəbul imtahanlarında istifadə edilən qiymətləndirmə materiallarının işlənməsi, ekspertizası və yoxlanılması ilə bağlı müəllif, ekspert və marker hazırlığı kurslarında iştirakla bağlı qeydiyyat davam edir.

Qeyd edilib ki, 2017-ci ildən etibarən 178 kurs təşkil olunub və indiyə qədər 3175 nəfər sertifikat alaraq Mərkəzin elektron “Məlumat bazası”na daxil edilib.

Sədr bildirib ki, buraxılış imtahanında olan yazı işlərinin yoxlanılmasında süni intellektdən də istifadə edilir.

“Hər bir məsələdə süni intellektin daxil edilməsi o qədər də asan deyil. Bir yazını təkcə insan yoxlayanda, ya da təkcə proqram yoxlayanda hansısa səhvlər ola bilər. Ona görə də biz hər ikisindən istifadə edirik. Proqramla görülən işlərə belə ekspert nəzarəti mütləq olur”- deyə o əlavə edib.

Sonda bir daha xəbərdalıq edilib ki, qayda pozuntularına yol verən şəxslərin bütün nəticələri ləğv olunur və onlar ali və ya orta ixtisas təhsili müəssisələrinin müsabiqəsində iştirak etmək şanslarını itirirlər.

“Yəni, qayda pozuntusuna yol verənlər qəbul imtahanlarının ikinci cəhdinə də buraxılmırlar, həmçinin onlar birinci mərhələnin (buraxılış imtahanının) nəticəsinə əsasən V ixtisas qrupunun müsabiqəsində iştirak hüququnu itirirlər”- deyə M. Addaszadə əlavə edib.

Sonda bildirilib ki, gələn ildən Apelyasiya ilə bağlı qaydaları sərtləşdirəcəyik.

“Gələn il qəbul qaydalarında şikayətlər əsaslı olmasa biz ona baxmayacağıq. Yazacağıq ki, biz buna baxmırıq resursumuz gedir. Onda hamı gəlib Apelyasiyaya müraciət etməyəcək. Əksər yerlərdə bu ödənişlidir”- deyə o əlavə edib.