SMS atəşi klassik fişinq hücumu sxemidir. Kiberhücum necə baş verir? SMS bombardmanının qurbanı olsanız nə etməlisiniz? Bunları öyrənmək üçün aşağıda təqdim etdiyimiz məqaləni oxuyun.

Kütləvi SMS göndərişləri sadəcə zəhlətökən reklam deyil, çox vaxt fişinq hücumunda ilk addımdır.

Telefon nömrəsinə göndərilən yüzlərlə mesajla doldurmaqdan ibarət olan bu məqsədyönlü kiberhücum sizin diqqətinizi (hesab sındırılıb, kredit təsdiqlənib və s.) kimi mühüm bildirişlərdən yayındırır. Bu xaosun arxasında aydın bir məqsəd var – klassik fişinq. Mesajların özləri diqqətinizi cəlb etmək üçün hazırlanmışdır və təhlükəli keçid və ya hərəkətə çağırış ehtiva edir. Bundan sonra, seçiminizdən asılı olaraq, ya şəxsi məlumatlar sızır, ya da cihaz zərərli proqram vasitəsi ilə virus yükləyir.

Bu addımların yalnız SMS vasitəsilə deyil, digər rabitə vasitələrindən istifadə etməklə həyata keçirilən istənilən fişinq hücumu üçün tipik nümunə olduğunu başa düşmək vacibdir. Məhz bu sxemi həyata keçirmək üçün SMS mesajlarından istifadə “SMS atəşi” termininin yaranmasına səbəb olub.

SMS atəşi məqsədi ilə təcavüzkarlar telefon nömrələrinə mesajların kütləvi və sürətli göndərilməsi üçün nəzərdə tutulmuş proqramlardan və ya onlayn xidmətlərdən istifadə edirlər. Təsəvvür edin ki, telefon nömrəniz birdən-birə sosial şəbəkələrdən tutmuş çatdırılma xidmətlərinə qədər onlarla saytda qeydiyyatdan keçib. Nəticədə, telefon bildirişlər, mesajlar və qeydiyyat təsdiqləri ilə doludur.

Kiberhücum necə baş verir?

Adətən ilk əlamət, guya rəsmi strukturlar: dövlət qurumları, banklar, onlayn mağazalar və digər təşkilatlar tərəfindən göndərilən qəfil mesaj yağışıdır. Demək olar ki, eyni vaxtda zərərçəkənin telefonuna mobil operatorun əməkdaşı olduğunu iddia edən şəxsdən zəng gəlir.

“Nümayəndə” abunəçinin nömrəsinə irimiqyaslı SMS hücumunun həyata keçirildiyini bildirir və problemin dərhal həllini təklif edir ki, bu da bir qayda olaraq şəxsi məlumatların və SMS kodlarının təsdiqlənməsi zərurətindən ibarətdir.

Təcavüzkarların planı sadədir: qurbanda çaxnaşma yaratmaq və onu daxil olan hər hansı mesaja ağılsızcasına cavab verməyə məcbur etmək, tələb olunan kodları daxil etmək və bununla da şəxsi və maliyyə məlumatlarını üzə çıxarmaq. Qurban çılğınlıqla üzərlərinə düşən SMS spam seli ilə məşğul olarkən, təcavüzkarlar daha az təhlükəli olmayan başqa bir hücum həyata keçirməyə cəhd edə bilər, məsələn, qurbanın sosial şəbəkələrdəki və populyar xidmətlərdəki hesablarını sındırmaq.

SMS bombardmanının qurbanı olsanız nə etməli?

Ekspertlər, hücum zamanı, hansı növ mesajların alındığına diqqət yetirməyi tövsiyə edir. Çünki həqiqətən vacib mesaj spamla qarışa bilər, məsələn, hesaba yeni cihazdan daxil olması barədə məlumat.

Spam hücumu zamanı göndərənin nömrəsini bloklamaqdan başqa aktiv hərəkətlər etməmək tövsiyyə olunur. Unutmayın ki, SMS atəşi adətən uzun sürmür. Əsas odur ki, hücum zamanı və ya hər hansı digər vaxt sizinlə əlaqə saxlamağa çalışan hər kəsə SMS-dən şəxsi məlumatlarınızı, loginlərinizi, parollarınızı və kodlarınızı deməyəsiz.