İtaliyanın Peruca şəhərində keçirilən kunq-fu üzrə dünya çempionatının qaliblərinin Bakıda təntənəli qarşılama mərasimi keçirilib.

Light sanda növündə qızlar arasında prezident İlham Əliyevin nəvəsi Əminə Əliyeva (11 yaş, 38 kq), oğlanlar arasında isə Rəsul Əsgərov (11–12 yaş, 36 kq), Hüseyn Əliyev (13–15 yaş, 48 kq), Toğrul Mikayılov (böyüklər arasında, 65 kq) və Eller Orucov (böyüklər arasında, 75 kq) dünya çempionu olublar.

Əli Baxışov (11–12 yaş, 33 kq) və Əkbər Əhmədzadə (13–15 yaş, 70 kq) isə gümüş medalın sahibi olublar.

Ümumi nəticəyə əsasən, idmançılarımız komanda hesabında bürünc medala layiq görülüblər.