Süni İntellekt heyvanların səslərini insan dilinə tərcümə edəcək.

Xarici mətbuatın yaydığı məlumata əsasən, Çinin süni intellekt “nəhəngi” sayılan “Baidu” heyvanların çıxardığı səslərin insanın anlaya bildiyi dilə tərcüməsini həyata keçirən texnologiyanın patenti üçün aidiyyəti qurumlara müraciət edib.

Bu qabaqcıl tərcümə metodu konkret növlərin səsləri, bədən dilləri, davranışları və digər bioloji siqnallarının məcmu məlumatlarına əsaslanır. Sistem emosiyaları müəyyənləşdirmək məqsədilə verilənlər bazasında olan informasiyanı təhlil edəcək və nəticə etibarı ilə onu hədəf dilinə çevirəcək.

“Baidu”nun gələcəkdə heyvan dili tərcümə tətbiqini satışa çıxarıb çıxarmayacağı ilə bağlı məlumat yoxdur.