Hava istiləşdikcə pinik, barbekü və kabab mövsümü başlayır, lakin kababın faydası ilə yanaşı zərəridə var.

Dietoloqlar qeyd edirlər ki, ətdə nə qədər yağ varsa, kabab bir o qədər zərərlidir. Burada ətin daxili tərkibi yox, görünən yağ qatı nəzərdə tutulur. Kabab bişirərkən alov görünürsə, bu o deməkdir ki, tüstünün tərkibində əvvəlcə ətə, sonra isə orqanizmə daxil olan kanserogen maddələr var. Alov sönənə qədər gözləmək və yalnız bundan sonra qızartmağa başlamaq olar.

Kabab sağlamlığa nə ilə zərər vurur?

Yağlı kababı həzm etmək çətindir. Ətin həzm qabiliyyəti onun tərkibindəki doymuş yağdan asılıdır. Ət növlərini doymuş yağ turşularının tərkibinə görə təşkil etsəniz, ilk növbədə quzu, sonra mal əti və donuz əti olacaq. Tez-tez və çox kabab yeyirsinizsə, narahatlıq, ağırlıq, mədədə şişkinlik hissi və ürək bulanması yarana bilər. Kababın təhlükəli tərəfi onun çox miqdarda yeyilməsidir.

Bir şəxs, məsələn, uzun müddət ət məhsullarını rasionundan çıxarsa və sonra böyük miqdarda kabab yesə bu onun üçün təhlükəli ola bilər. Mədə buna öyrəşmədiyi halda, çox miqdarda yeyilən qızardılmış ət onun üçün şok olacaq və qida zəhərlənməsinə səbəb ola bilər.
Böyük miqdarda kabab, həzm sisteminin kəskin və xroniki xəstəlikləri, ürək-damar xəstəlikləri, həmçinin yüksək xolesterolu olan insanlar üçün təhlükəlidir.
Kabab kömürə çox yaxın bişirilsə zərərlidir, çünki ət yanacaq. Nəticə kömürləşmiş zülalın məhsuludur – tərkibində kanserogenlər olan, ətin yandırılmış qabığı, hansını ki yemək məsləhət görülmür.

Zərərləri necə minimuma endirmək olar

Kabab çox və tez-tez yeyildikdə zərərlidir. Rasionda yağlar, zülallar və karbohidratlar, lif, minerallar və vitaminlər olmalıdır. Bir insanın rasionu müxtəlifdirsə, məsələn, tərəvəz, meyvə, dənli bitkilər və şorbalar varsa, kabab zərər verməyəcək.

Kababa liflə zəngin qidalar əlavə edin – tərəvəz və dənli bitkilər. Məsələn, yerkökü, kələm, xiyar, pomidor, kahı və göyərti. Yaxşı olardı ki, təbiətdə piknikə çıxanda ət basdırması ilə yanaşı eyni miqdarda salat və ya tərəvəz götürəsiniz.

Arıqlamaq istəyirsinizsə, tərəvəzlər ilə kabab yeyin, lakin yağlı ətləri yeməkdən çəkinin.

İnsan ovucunun ölçüsünə görə yeyiləcək ətin optimal miqdarını müəyyən edə bilər. Kabab üçün ət parçası elə olmalıdır ki, ovucunuza sığsın və qalınlığı 1 sm olsun. Bir neçə tikə yemək olar, amma çox yeməməlisiniz, çünki həzm sisteminə çox yük düşür və istirahətdən sonra organizm yorğunluq hiss edəcək.

Həzm sistemi xəstəlikləri və ya yüksək xolesteroldan əzoyyət çəkən insanlar üçün balıq, hinduşka və ya toyuq kababı yemək məsləhət görülür.

Uşaqlar kabab yeyə bilərmi?

Kababı 7-8 yaşdan kiçik uşaqlara ehtiyatla vermək lazımdır. Uşaqlarda çoxlu birləşdirici toxuma və ya ət ipləri olan bütöv bir ət parçasını həzm etmək stresinə öyrəşməyən, yetişməmiş həzm sistemi ola bilər. Buna görədə uşaqlara doğranmış və ya çəkilmiş ətdən hazırlanan yeməklər təklif edin: küftə, kotlet, daha böyük yaşda isə lülə kabab. Bundan əlavə, kabab üçün ətdən ədviyyatlı basdırma edilir, onun istehlakı da həzm sistemində həddindən artıq stress yaradır.

Uşaqlar qatıq və ya pesto sousunda marinad edilmiş toyuq və hinduşka kababıda sevirlər və təbii ki, uşağınıza kabab təklif edərkən, həddindən artıq yeməməyin lazım olduğunu unutmayın.

Hamilə və süd yedizdirən qadınlar kababla ehtiyyatlı olmalıdırlar

Hamiləlik fəsadsız gedirsə, bir-iki porsiya kababın heç bir zərəri olmaz. Ümumiyyətlə, zəhərli məhsulların (siqaret, alkoqol, narkotik) tətbiqi istisna olmaqla, hamilə qadınlar üçün xüsusi məhdudiyyətlər yoxdur. Qadın orqanızminın fərdi xüsusiyyətləri ilə əlaqəli bütün digər məhdudiyyətlər (xroniki xəstəliklərin olması, hamiləlik toksikozunun simptomları, hamiləlik çatışmazlığı, bağırsaq disfunksiyası, çəki dalğalanmaları) həkimlə müzakirə edilməlidir.

Süd verən ana sirkə, marinadlar və ədviyyatlarla diqqətli olmalıdırlar. Ananın istehlak etdiyi qidalar körpənin bədəninə də daxil olur. İstiotlu ədviyyatlar və sirkə körpədə allergik reaksiyaya səbəb ola bilər. Soğan və ya sarımsaq südə xoşagəlməz bir dad verə bilər və uşaq ondan imtina edə bilər. Analara marinadsız ət və ya təbii turşular olan məhsullardan hazırlanmış şorabada bişmiş kabab yemək tövsiyə olunur: limon suyu, kivi və ya mineral su.

Kababla nə içmək olar?

Kababı su ilə yemək daha yaxşıdır – bədən üçün təbii mayedir. Əgər spirtli içki qəbul etməyi planlaşdırırsınızsa, unutmayın ki, spirtli içkilər aclıq hissini artırır, buna görə də həddindən artıq yemək riski var. Spirtli içki əlavə kalori ehtiva edən zəhərli bir məhsuldur. Alkoqolun faydalı dozası yoxdur, yalnız nisbətən təhlükəsizdir. Quru şərab kababa uyğun hesab edilir. Kişilər üçün şərabın təhlükəsiz dozası 150 ml, qadınlar üçün 125 ml-dir. Konyak və ya araq kimi güclü içkilər kişilər üçün 50 ml, qadınlar üçün 30 ml miqdarında orqanizm üçün təhlükəsiz hesab olunur.

Alkoqoldan sui-istifadəsi sağlamlığınıza zərərlidir

Kababın nə kimi faydaları var?

Kabab qızardılmış və yağlı yemək olduğundan pəhriz yeməyi deyil, lakin qədərində yeyirsinizsə, bu orqanizmə müəyyən müsbət təsir göstərir.

Belə ki, kabab odda bişirilir, lakin yağ əlavə etməyə ehtiyac yoxdur, çünki yemək üçün ətin öz təbii yağı istifadə olunur. Bu o deməkdir ki, kabab, məsələn, tavada yağda bişirilən yeməkdən daha az kalorili yeməkdir.

Kabab zülal yeməyidir, orqanizmdə hüceyrələrin qurulması, bütün sistemlərin, o cümlədən immun sisteminin fəaliyyəti üçün həyati əhəmiyyət kəsb edən bütün zəruri amin turşuları ilə tam heyvan zülalının mənbəyidir; Onun tərkibində çoxlu yağda həll olunan vitaminlər A, E, D və B vitaminləri var.

Qırmızı ət kababının tərkibində olan dəmir qan azlığının qarşısını alır və toxumaların düzgün tənəffüsünü təmin edir.

Balıq kababının tərkibində olan faydalı yağ turşuları xolesterolu normallaşdırmağa kömək edir.