Sağlam qalmaq və ətraf mühitə təsirinizi azaltmaq üçün ətdən tamamilə imtina etmək lazım deyil.

Danimarka Texniki Universitetinin alimləri optimal normanı hesablayıblar: həftədə 255 qram toyuq və ya donuz əti. Bu həcm bizə orqanizm üçün fayda ilə planetə minimal zərər arasında tarazlığı saxlamağa imkan verir.

İki toyuq filesi təxminən 255 qram toyuq ətidir, lakin Avropa və ABŞ-da insanların əksəriyyəti üçün bu pəhriz əsaslı dəyişikliklər tələb edəcək. Belə ki, 2021-ci ilin məlumatlarına əsasən, onlar 6-10 dəfə çox ət yeyiblər.

Tədqiqatçılar müəyyən ediblər ki, mal və quzu ətinin yüksək səviyyədə istixana qazı emissiyası və ekosistemlərə ciddi ziyan vurması səbəbindən dayanıqlı qidalanma çərçivəsinə ümumiyyətlə uyğun gəlmir.

Alimlər iki yanaşmanı birləşdirmək üçün geniş təhlil aparıblar və nəticədə belə qərara gəliblər ki, heyvan mənşəli məhsullardan tamamilə imtina etmək lazım deyil. Pəhrizin qalan hissəsi balanslı qaldıqda və ekoloji sistemləri çox yükləmədikdə. rasionda pendir, balıq, yumurta, toyuq və donuz ətinin məqbul porsiyalarının olması mümkündür.

Bununla belə, müəlliflər modelin daha çox yüksək gəlirli ölkələrə yönəldiyini və qidalanmada mədəni və sosial amillərin müxtəlifliyini əks etdirmədiyini vurğulayırlar. Bundan əlavə, məhsulların ətraf mühitə təsiri istehsal texnologiyaları və üsullarından asılı olaraq zamanla dəyişə bilər.

Tövsiyələrin həqiqətən universal olması üçün məhsulların mövcudluğunu, yaşayış səviyyəsini və qidalanma ənənələrini nəzərə almaq lazımdır. Soinda qeyd edilib ki, tədqiqat aydın bir təlimat verir: tarazlığı qoruyaraq ət yeyə və sağlam qala bilərsiniz, əsas odur ki, planetin resurslarına diqqət yetirilsin.