Əmək Məcəlləsinə bu məsələ ilə bağlı dəyişikliklərin edilməsi təklif olunub.

“Vətəndaşların Əmək Hüquqlarının Müdafiəsi Liqası”nın İcraiyyə Komitəsinin sədri Sahib Məmmədov parlamentin Hüquq siyasəti və dövlət quruculuğu komitəsinin “Ümummilli lider Heydər Əliyev müstəqil Azərbaycan Konstitusiyasının müəllifidir” mövzusunda elmi-praktik konfransında çıxışı zamanı deyib ki, növbəti Konstitusiyaya dəyişikliklər olarsa, bəzi normalar bu sənədə gətirilməməlidir.

O bildirib ki, Konstitusiyanın 17-ci maddəsinə edilən dəyişiklik praktikada problem yaradır.

“Sənədə əsasən, 15 yaşınadək uşaqlarla əmək müaviləsi bağlana bilməz. Lakin idmanın elə növləri var ki, məsələn, bədii gimnastika, film çəkilişi və digər məsələlərdə uşaqlar uşaqlar əməyə cəlb edilə bilərlər. Amma Konstitusiya bunu qadağan edir. Bu Əmək Məcəlləsinin predmetidir”.