Həftəsonu Azərbaycan Dövlət Akademik Milli Dram Teatrında Əli Əmirlinin əsəri üzərində qurulmuş Firəngiz Mütəllimovanın “Varlı Qadın” benefis tamaşasını izlədim.

Tamaşa pozitiv əhval-ruhiyyə ilə başladı və sona kimidə davam etdi.

Bir çox sosial problemlərə toxunulan müasir realistik tamaşada bəzi insanların zəif nöqtələri, səhv etməyə meyillilikləri, dəyişkənliyi və pula hərisliyi bütün çılpaqlığı ilə nümayiş olunur.

“Happy and” ilə bitən tamaşada bir daha göstərilir ki, əsl bağları qoparmaq elədə asan deyil və bəzən qanı-canı bizdən olan biri belə öz xeyrini güdərək bizə xəyanət edə bilər.

Başda Firəngiz Mütəllimova olmaqla aktyor oyununa söz ola bilməz, hətta dilənçi belə melodik avazları ilə tamaşaçını heyran edir.

Adətən kitabı tərif etmək üçün istifadə edilən “bir nəfəsə oxundu” tərifini bu tamaşaya da aid etmək olar – bir nəfəsə baxıldı.

Aynur Vəliyeva