Azərbaycanda son bir ildə alma, xurma, naringi, portağal, qoz, kartof, soğan, turp və balqabağın topdansatış qiyməti ötən ilin müvafiq dövrü ilə müqayisədə bəzən dəfələrlə artıb.

Azərbaycan Respublikası Kənd Təsərrüfatı Nazirliyinin tabeliyində Aqrar Tədqiqatlar Mərkəzinin verdiyi məlumata əsasən, digər məhsulların qiyməti aşağı olub və ya sabit qalıb.

Rəsmi məluymatda qeyd edilib ki, 2025-ci ilin mart ayında limon (Lənkəran), armud (Düşes), üzüm (Kardinal), fındıq, çiyələk, şabalıd (Çin), soğan (Qırmızı, yerli), pomidor, xiyar, bibər, çuğundur, yerkökü, və sarımsağın qiyməti keçən ilin müvafiq dövrünə nisbətən aşağı olub, digər kənd təsərrüfatı məhsullaırnın qiyməti isə qalxıb.

Bu ilin mart ayında kənd təsərrüfatı məhsullarının topdansatış qiymətinin əvvəlki aya və ilə nisbətən necə dəyişdiyi ilə bağlı göstəriciləri təqdim edirik:

Məlum olduğu kimi, topdansatış bazarında təbii qiymət artımı istənilən məhsula olan tələbatın artımı, istehsalın azalması nəticəsində əmələ gələn defisit nəticəsində baş verir. Müşahidə etdiyimiz qiymət artımı sezon xarakteri daşıyır, yəni qış mövsumu ərzində mövcud olan məhsul ehtiyyatının bitdiyinə və yeni məhsulun hələ ki, tədarük edilmədiyinə görə, tələbatın artımı fonunda topdansatış bazarında qeyd edilən məhsullarında müvəqqəti qiymət artımı müşahidə oluna bilər.