Artıq Ələt, Hövsan, Səngəçal limanlarına gəmilərin-giriş çıxışı bərpa edilib.

Trend-in verdiyi məlumata əsasən, Dövlət Dəniz və Liman Agentliyinin (DDLA) mətbuat katibi Pərvanə İmanova deyib ki, hava şəraiti yaxşı olarsa günorta saatlarında Xəzər dənizi akvatoriyasında bütün gəmilərin hərəkəti bərpa ediləcək.

Qeyd edək ki, Azərbaycanda bütün limanlara giriş və çıxış bağlanmışdı, yerli və xarici bayraq altında üzən gəmilər lövbər dayanacaqlarına və sığınacaqlara yerləşdirilmişdi.