Bakıda 6-cı Beynəlxalq Süni İntellekt və Big Data Forumunda süni intellektin inkişafı sahəsində gündəmdə olan məsələlər müzakirə olunub.

ADA Universitetində keçirilmiş forum çərçivəsində yerli və beynəlxalq mütəxəssislər, tədqiqatçılar, sahibkarlar və dövlət nümayəndələrinin iştirakı ilə müxtəlif sahələrdə süni intellektin tətbiqi imkanlarının geniş şəkildə müzakirə olunacağı panel sessiya baş tutub. 

Panel sessiyada qeyd edilib ki, süni zəka sahəsində inklüzivlik məsələsi vacib məqamlardan biridir. Belə ki, kiçik millətlərin danışdığı az istifadə olunan dillərə tərcümənin olmaması süni zəka texnologiyasıbdan istifadəni məhdudlaşdırır.

Nitqin tanınması sahəsində biznes görüşməsi zamanı aparılan danışıqların tərcüməsində hələdə çətinliklər çoxdur. Ekspertlər qeyd ediblər ki, universal nitq tərcüməsi sahəsində boyük həcmdə görüləcək işlər var.

“Çoxdilli proseslərdə 6-7 mindən çox dil var, onlardan bəzilərinin yazılı formatı belə yoxdur, buna görədə bu dillərdə danışan icmalara məlumat çatdırmaq üçün keyfiyyətli məlumatların hazırlanmasına ehtiyac var. Bu sahədə mikroinnovasiya transkripsiyası proqramı bəzi kiçik problemlərin həllinə kömək edir”.

Şirkət nümayəndələri kiçik innovasiyaların təqdim etdiyi imkanların daha uğurlu olduğunu qeyd ediblər.

“Böyuk büdcəsi olan şirkətlər global səviyyədə əsas işi gorürlər, kiçik və orta həcmli şirkətlərin üzərinə lokal bazarlar üçün daha uyğun, praktiki innovasiyaların hazırlanması düşür”.

Panel sessiyada bildirilib ki, süni zəkanın növbəti 10 ildə insanlığa etik tətbiq edildiyi halda üç robot fəaliyyət göstərəcək ki, süni zəka insanlara zərər vurmasın. Bu texnologiya geniş tətbiq edilmədən öncə, prosesləri dərindən tənzimləmək üçün, postulasiya və qanunvericilik bazası artıq tam hazır olmalıdı.

Eyni zamanda qeyd edilib ki, süni zəkanın transformasiyasının insanlar arasında işsizliyin artmasına təsir göstərməsinin qarşısının alınması sahəsində tədbirlər görmək üçün alimlər yollar tədqiq etməyi düşünürlər.

Qeyd edilib ki, süni zəkanın ətraf mühitə müsbət təsirini nəzərə alaraq interpretasiya etməyi öyrənmək lazımdır.

Ekspertlər hesab edirlər ki, OpenAİ kimi açıq modellərin olması vacibdir ki, transformasiya uğurlu keçsin.

“Ev işlərində süni zəka ilə idarə edilən robotların işi məhsuldar ola bilər.
Bulud texnologiyaların inkisafı vacibdir, daha mürəkkəb bir sistemin yaradılmasına ehtiyacımız olacaq, çünki iyirmi il sonra süni zəkanın təkamülü nəticəsində baş verən transformasiya üçün uyğun infrastrukturun olması vacibdir”.

Eyni zamanda bildirilib ki, domen ekspertizası sahəsində süni intellektin tətbiqi ilə yanaşı insan iştirakına ehtiyac qalacaq, çünki bu spesifik sahədir.

Bununla yanaşı, ekspertlərin müəyyən hissəsi süni zəkanın insanın malik olduğu bütün bacarıqlara yiyələnəcəyi vaxtın gəlməsinə az ehtimal edirlər, lakin onlarda hesab edirlər ki, transformasiya nəticəsində müəyyən dərəcədə süni intellektdə insanın bacarıqlarına yaxın təkamülün baş verəcəyi mümkündür.