Bəzən davranış sözlərdən fərqli mesajları ötürür. O, sizə “sabahın xeyir” yaza bilər və ya hərdən necə olduğunuzu soruşa bilər, lakin siz nəyinsə yolunda olmadığını hiss edirsiniz və çox güman ki, haqlısınız.

Kişinin münasibəti onun vədləri ilə deyil, sizin həyatınızda ki, iştirakı, diqqəti və hərəkətləri ilə göstərilir. Onun sizinlə ciddi münasibət axtarmadığını göstərən 10 əlamət var və onlar aşağıda sadalanır:

Özünə uyğun olan vaxtda sizə yazır

Davamlı olaraq ilk müraciət edən sizsinizsə, deməli kiminsə sizinlə maraqlanıb-maraqlanmadığını təxmin etmək çətin deyil. Yarım gün ötdükdən sonra cavab verən və ya sizə məhəl qoymayan biri üçün bəhanələr axtarmayın. Həqiqət budur ki, istəsəydi, yazardı, hətta çox sıx iş qrafiki olduğu halda belə.

Emosional məsafə

Fikirlərinizi bölüşürsünüz, özünüz haqqında danışırsınız və o, monohecalı, zarafatla cavab verir və ya mövzunu dəyişir. O, sizin hisslərinizlə maraqlanmır və söhbətə davam etmir. Sanki divar ilə danışırsan.

O, görüş və əyləncə imkanları planlaşdırmır

Bütün görüşləriniz kortəbii və “yolüstü” baş verir. Bir daha nə vaxt görüşəcəyinizi soruşmur, həftə sonunu birlikdə keçirməyi təklif etmir, sizinlə heç bir plan qurmur. Bu əlamətlər artıq vəziyyəti aydın göstərir.

“Bir münasibətə hazır olmadığını” deyir

Klassik bəhanə. O, dürüst xəbərdarlıq edir ki, sizinlə münasibətdən ciddi gözləntiləri yoxdur, lakin siz əksinə düşünürsünüz ki, “Yaxşı, bu hələlik belədir, mən onun fikrini dəyişəcəyəm”.
Əslində isə o artıq sizə olan münasibətini bildirir, bunun əksini sübut etməyə enerjinizi sərf etməyin, buna sizin bütün ömrünüz gedə bilər.

Sanki müxtəlif dalğalardasınız

Siz yaxınlıq istəyirsiz, o müstəqillik istəyir. Siz irəli addımlar gözləyirsiniz, o isə eyni yerdədir. Siz yaxında olmağınıza baxmayaraq bir-birinizdən çox uzaqsınız. Siz sadəcə fərqli dalğalardasınız.

Öz hissləri haqda danışmır

Onun sənə münasibətini bilmirsən, çünki o, bunu heç vaxt demir. Mövzunu qaldırsanız, cavab verməkdən yayınır, zarafat edir, ya da susur. Bu onun “qapalı insan” olduğundan deyil – o, bu mövzuda dərinə getmək istəmir.

Onun həqiqətən kim olduğunu bilmirsən

Uzun müddət ünsiyyətdə olmağınıza rəğmən, hələ də onun kim olduğunu bilmirsiniz. Dostlarının adı nədir, nədən qorxur, nəyə can atır? Sadəcə bunu sizinlə paylaşmır. Çünki o, sizi öz həyatına dəvət etmək arzusunda deyil.

Siz onun həyatının bir parçası deyilsiniz

Onun ailəsini tanımırsız, onunla bir yerdə cəmiyyət içinə çıxmırsınız, gündəlik həyatında iştirak etmirsiniz. O, öz həyatını yaşayır və orada deyəsən sizə yer yoxdur. Siz onun yaxınındasınız, lakin ürəyində deyilsiniz və bunu hiss etmək dox ağrılıdır.

Hadisələr dairəvi şəkildə təkrarlanır

O ara-sıra sizin həyatınızda peyda olur, sonra yox olur, sonra yenidən qayıdır. Bəzən aktiv, bəzən soyuq olur, bəzən söz verir, bəzən unudur. Bu dətin xasiyyətin və ya emosionla kallığın əlaməti deyil, sadəcə əsl münasibət qurmaq istəyinin olmadığına işarədir.

Onun davranışına daim haqq qazandırırsınız.

“O, yorğundur”, “Çətin dövr yaşayır”, “sadəcə yazmağı sevmir”, “bağlanmaqdan qorxur”… Əgər onun laqeydliyinə daim bəhanə axtarırsınızsa, bu artıq bir cavabdır. Həqiqi marağı deşifrə etmək lazım deyil, o hiss olunur.

Nəticə etbarı ilə sizin üçün cazibədar olan insanın sizə qarşı eyni hissləri yaşamadığını etiraf etmək ağrılıdır, lakin mövcud olmayan bir münasibətdə qalmaq daha ağrılıdır.

Hər bir insan sevgiyə, diqqətə, hörmətə və həqiqi marağa layiqdir və yaxınınızda olan biri bunları vermirsə, deməli o, sizin adamınız deyil.