Ümumdünya Qaraciyər Gününə həsr edilən “Qaraciyər sağlamlığı həftəsi” layihəsi keçiriləcək

TƏBİB-in təşkilatçılığı və İcbari Tibbi Sığorta üzrə Dövlət Agentliyinin dəstəyi ilə “TƏBİB-in İxtisas gündəliyi – 2025” proqramı çərçivəsində 19 Aprel – Ümumdünya Qaraciyər Gününə həsr edilən “Qaraciyər sağlamlığı həftəsi” layihəsi icra olunacaq.

15-16 aprel tarixlərində Göyçay Rayon Mərkəzi Xəstəxanasında qaraciyər xəstəliklərindən əziyyət çəkən vətəndaşlara Bakı şəhərində yerləşən TƏBİB-in tabeli tibb müəssisələrində fəaliyyət göstərən uzman və ixtisaslı həkimlər (qastroenteroloq, dermatoloq, infeksionist, terapevt, pediatr, cərrah) tərəfindən tibbi xidmətlər göstəriləcək.

17 aprel tarixində isə Göyçay rayonunda Göyçay, Ucar, Kürdəmir və Zərdab rayonlarında yerləşən tibb müəssisələrinin həkim heyəti üçün seminarların təşkili, həmçinin vətəndaşların maarifləndirilməsi tədbirlərinin həyata keçirilməsi nəzərdə tutulub.

Göyçay, Ucar, Kürdəmir və Zərdab rayonlarının vətəndaşları tibbi müayinələrdən yararlanmaq üçün adıçəkilən tibb müəssisələrinin Qeydiyyat bölməsinə müraciət etməlidir.