Android-in “Cihazımı Tap” Proqramı artıq insanların yerləşdikləri məkanları göstərir. Proqram iOS istifadəçiləri üçündə aktivdir.

“Google” Android istifadəçilərinə itirilmiş cihazları tapmaq, kilidləmək və silmək imkanı verən “Cihazımı Tap” tətbiqini yeniləyib. İndi onun funksionallığı genişləndirilib: proqram təkcə qadcetləri deyil, eyni zamanda insanları tapmağa kömək edə bilər.

Yeni funksiyaya geolokasiyasını sizinlə paylaşan dostlarınızın və ailə üzvlərinizin yerlərini göstərən xəritə daxildir. iOS istifadəçiləri də “Google Xəritə”yə məlumat təqdim etsələr, orada görünə bilərlər.

Bu məqsədlə tətbiqə yeni “İnsanlar” bölməsi əlavə edilib. Məkanınızı paylaşdığınız insanların siyahısını əks etdirən səhifə də əlavə edilib. Bu səhifədə məlumat əldə etmək müddətini təyin etmək və tez bir zamanda dəyişmək olar.

Yenilənmiş “Cihazımı Tap” interfeysi hazırda eyni funksionallıqla “Apple” şirkətinin “Find My” funksiyasına bənzəyir. Artıq Android proqramı da bölünmüş ekran göstərir: yuxarı hissədə xəritə, aşağı hissədə isə cihazların və ya insanların siyahısı var.