“Global Terrorism Index 2025” (GTI) hesabatı ilə dövlətlərin terror təhlükəsinə görə növbəti reytinqi dərc edilib.

Terrorçuluq fəaliyyəti və terror təhlükəsi ən yüksək olan ölkələr arasında ilk sıralarda – Burkina Faso (8.581), Pakistan (8.374), Suriya (8.00) yerləşiblər.

Qeyd olunan sıralamada İsrail (7.463) 8-ci, Rusiya (6.267) 16-cı, İran (6.056) 18-ci, Türkiyə (3.968) 32-ci, ABŞ (3.517) 34-cü, Fransa (2.712) 40-cı, Niderland (1.402) 60-cı, Norveç (1.198) 66-cı, Finlandiya və Yaponiya (0,949) 72-ci, Danimarka və Ermənistan (0.72) 79-cu, Avstriya və Cənubi Koreya (0.582) 82-ci, Latviya və Litva (0.423) 86-cı yerdə qərarlaşıb .

Azərbaycan terror təhlükəsi üzrə qeyd olunan sıralamada “0.233” indekslə 2024-cü illə müqayisədə (89) reytinqdə yüksələrək 2025-ci ildə 90-cı yerdə qərarlaşıb.

Qeyd edək ki, 1-dən 100-dək artan mümkün reytinq həddində dünyada terrorla bağlı ən təhlükəsiz ölkələrdən biri kimi yüksək reytinqə sahiblənib.

Azərbaycanda belə təhlükəsizlik səviyyəsinə destruktiv qüvvələrin dini, etnik və digər zəminlərdə pozucu planlarından meşələrdə sığınacaqlar yaradılması cəhdlərinədək hər cür terror-təxribat həmlələrinin olduğu bir şəraitdə nail olunub.

Ötənd il Rusiya və Avrasiyada ən böyük tənəzzül yaşanıb və bu ilk növbədə, terrorizmin əhəmiyyətli dərəcədə artması ilə əlaqədardır.
Ümumilikdə, bölgədə 18 hücum və 199 ölüm qeydə alınıb, 2024-cü ildə 2010-cu ildən bəri terror nəticəsində ən çox ölüm qeydə alınıb.

Azərbaycan, Belarus və Özbəkistan yeganə ölkələrdir ki, 2010-cu ildən bəri onların ərazisində 2024-cü ildə terror nəticəsində ölümlə bağlı heç bir qeyd yoxdur.

“Global Terrorism Index” (GTI) reytinq sıralanması indeksləri terror hadisələri, ölümlər, ağır nəticələr, girovlar, terrorçuluqla mübarizə, terrorçuluğun araşdırılması effektivliyi və digər çoxsaylı göstəricilər üzrə hesablamalara əsaslanır.