İmsak vaxtı kifayət qədər su qəbul etmək gün ərzində susuzluqdan qorunmağa kömək edir. Bunun üçün az şəkərli limonad, ayran, meyvə kompotu kimi evdə hazırlanan içkilərə üstünlük verin.

TƏBİB ekspertləri çay və qəhvənin su ehtiyacını ödəmədiyini bildirərək, susuzluğun halsızlıq, baş ağrısı, əzələ spazmı kimi problemlərə səbəb ola biləcəyini qeyd edir.

“Bəzi insanlar imsakda yeməkdən imtina edirlər, lakin bu, gün ərzində enerji çatışmazlığına səbəb ola bilər. Orucu daha rahat keçirmək üçün imsakda balanslı və doyumlu qidalanmaq vacibdir.”

İmsakda qidalanma üçün əsas tövsiyələr:

• İmsakdan yarım saat öncə iki stəkan su içmək məsləhətdir;
• Enerji verən və uzun müddət tox tutan qidalara üstünlük verin;
• Lifli qidalardan daha çox istifadə edin;
• Duzlu və ədviyyatlı qidalardan çəkinin;
• Boyat yeməklər qəbul etməyin;
• Süd, şit pendir, qaymaq, yumurta, tərəvəzlər, yarma plovu və şorba kimi qidalar istifadə edin;
• Bədəndə su saxlayan qidalara üstünlük verin;
• Qara çay, qəhvə kimi kofeinli içkiləri bitki çayları və az şəkərli kompotlarla əvəz edin.