Provayderləri onlayn dezinformasiya ilə mübarizədə daha aktiv iştirak etməyə təşviq etmək üçün kontent platformalarını tənzimləyən qaydalar hazırlanmalıdır.

Bunu sənaye eksperti, “Moonshot” kibertəhlükəsizlik texnologiyası şirkətinin qurucusu və baş direktoru Ross Frenett, ağıllı, məqsədyönlü tənzimləmə ehtiyacını müdafiə edərək, sui-qəsd nəzəriyyələri və zərərli məzmunun onlayn yayılması ilə bağlı hesabatında qeyd edib.

“Şübhə yoxdur ki, bu cür şirkətlər hamı kimi tənzimlənməlidir. Bəzən arqument eşidirsən ki, “biz bunu etsəydik, biznes modelimiz yaşaya bilməzdi”. “Deməli sizin biznes modeliniz yaşamaq qabiliyyətinə malik deyil”, – deyə o, qeyd edib.

“Əgər siz maşın və ya dərman istehsal edirsinizsə və “Bu təhlükəsizlik testləri bizi batıracaq” deyirsiniz, cavab “batacağıq” olacaqdır”

Bununla belə, o, böyük texnoloji şirkətlərdə çalışan işçilərin “hökumətlərdən bu problemlərin həllində daha yaradıcı olmaları” və “şirkətlərə öz stimullarını dəyişmək üçün təzyiq göstərən ağıllı və məqsədyönlü qaydalara ehtiyac olduğu” fikrini dəstəklədi.

Xeyirli güc

O, tənzimləmə ehtiyacını qeyd etməklə yanaşı, böyük sosial media platformalarının xeyirli şəkildə istifadə oluna biləcəyini etiraf edib.

Ekspert qeyd edib ki, platformalar ziyanvericilər tərəfindən “insanları öz orbitlərinə sürükləmək” üçün istifadə edilsə də, “biz də eyni taktikdən istifadə edə bilərik”, lakin müsbət mesajları istifadə edərək.

“Biz bu platformaların necə işlədiyini və onlardan öz xeyrimizə necə istifadə edə biləcəyimizi düşünməliyik.”

Ross Frenett, mənfi mesajların əvəzinə müsbət mesajların yayılmasını təmin etməyin bir yolunu təklif edib: “Əhalini dezinformasiyadan qorumaq üçün onun qarşısını almaq əvəzinə, insanlara yalan məlumatı doğru məlumatdan seçməyi və bununla da dezinformasiyaya qarşı aşılanmasını təmin etmək olar”.

Yalan iddiaların aradan qaldırılmasına diqqət yetirməyin vacibliyini vurğulayaraq, hakimiyyətin və texnologiya şirkətlərinin bu işdə kömək etməli olduğunu söyləyib.

Bu mesajı çatdırmağın potensial yollarından biri “rəqəmsal dövrə yeni gələnlər” üçün “ilk smartfonunu alan 12 yaşlı yeniyetmədən” başlayaraq “Saxaradan cənub-şərqi Afrikadada yaşayan 60 yaşlı sakininə qədər” hər kəs üçün maarifləndirici kampaniyaların təşkili daxildir.