Amerikalı alimlər dünyada ilk dəfə kürklü siçan yaradıblar – onların tükü minlərlə il əvvəl nəsli kəsilmiş mamontların kürkünü xatırladır. Geni dəyişdirilmiş gəmiricilərin soyuğa daha davamlı olduqları sübut edilib.

“Colossal Biosciences” biotexnoloji şirkətinin mütəxəssisləri qalın xəzli tamamilə sağlam 38 sıçan yetişdiriblər ki, onların fikrincə yeni yaradılmış sıçanlar ömür uzunluğuna görə adi analoqlarından heç də geri qalmır. Genetik dəyişikliklər xəzin uzunluğuna, sıxlığına, rənginə və teksturasına, eləcə də heyvanların metabolizminə təsir göstərib. Modifikasiya üçün mamont geni istifadə edilməyib, alimlər DNT-nin redaktəsi və genomika texnologiyalarından istifadə ediblər.

“Colossal Biosciences” şirkətinin baş direktoru Ben Lamm bu təcrübənin komandanın “təbiətin milyonlarla il ərzində inkişaf etdirməyə sərf etdiyi mürəkkəb genetik birləşmələri yenidən yaratmaq” qabiliyyətini nümayiş etdirmək məqsədi ilə apardığını deyib. Tədqiqatçılar indi dəyişdirilmiş gəmiricilərin sıfırdan aşağı temperaturda yağ ehtiyatlarını saxlaya bilib-bilmədiyini öyrənmək istəyirlər. Onlar etik şuradan eksperimentin təsdiqini gözləyirlər.

Şirkət həmçinin Asiya fillərinin genlərini redaktə edərək mamontları canlandırmaq niyyətindədir. İlk balalar, onların proqnozlarına görə, 2028-ci ildə dünyaya qələ bilər. Mart ayına qədər startap Paris Hilton, Peter Jackson və Chris Hemsworth da daxil olmaqla dəstəkçiləri ilə 435 milyon dollar vəsait toplayıb.

Layihəni həyata keçirmək üçün alimlər Şimalda permafrostda tapılan qədim heyvanın DNT molekullarından istifadə edirlər. Onların surroqat ana olacaq dişi filin döllənməsinə icazə verəcəyi planlaşdırılır. Bununla belə, yeni mamont balası qoruğun nəzarəti altında belə müasir iqlimə uyğunlaşması məsələsi sual altındadır.