Dövlət İmtahan Mərkəzi səriştə və peşəkar potensialın qiymətləndirməsi şöbəsində vakansiya elan edib.

Səriştə və peşəkar potensialın qiymətləndirməsi şöbəsində böyük məsləhətçi vəzifəsi üzrə vakansiya üzrə qulluq funksiyaları aşağıda qeyd edilib:

• Situasiya mühakimə testləri üzrə tapşırıqlar hazırlamaq, digər əməkdaşların hazırladıqları test tapşırıqlarının ekspertizasında iştirak etmək
• Qiymətləndirmə mərkəzi metoduna daxil olan müxtəlif qiymətləndirmə alətləri (rol oyunları, qərarvermə testləri, simulyasiya tapşırıqları və s.) hazırlamaq
• Ümumi səriştələrin ölçülməsi üzrə alətlərin hazırlanması üçün dövlət qulluqçuları ilə müsahibələr keçirmək, real iş situasiyalarından ibarət məlumat bazası yaratmaq
• Ümumi səriştələr və digər mövzular üzrə dövlət qulluqçularına təlimlər keçmək
• Müxtəlif qiymətləndirmə alətlərinin hazırlanması üzrə təşkilatdan kənar test müəllifləri ilə əməkdaşlıq etmək, onların hazırladıqları alətlərin ekspertizasında iştirak etmək
• Ümumi səriştələrin qiymətləndirilməsi üzrə elektron imtahanların proqram təminatı üçün texniki tapşırıqlar hazırlamaq
• Səriştə əsaslı müsahibələri keçirmək
• İngilis dilindən mətnləri tərcümə etmək
• Yeni fəaliyyətə başlayan və ya aşağı vəzifədə çalışan əməkdaşlara mentorluq etmək
• Aktual mövzular üzrə seminarların məzmununu hazırlamaq və prosesi təşkil etmək
• Layihələrə koordinatorluq etmək

Təhsilə dair tələblər:  menecment, psixologiya, sosiologiya ixtisasları üzrə ali təhsil

İş stajına dair tələbi: Sahə üzrə ən az 2 il iş stajı

Kompüter biliklərinə dair tələblər:  MS Windows, MS Office

Xarici dil biliklərinə dair tələblər:  İngilis dili – B2

Xüsusi tələb: Məlumatların effektiv emalı, qərar vermə bacarığı, nəticəyönümlülük, komandada işləmək bacarığı.

Vakansiya üzrə müraciət etmək istəyən şəxslər “Kadr uçotunun şəxsi vərəqəsi“ni hr@dim.gov.az elektron poçt ünvanına mövzu bölməsində “Ümumi səriştələrin qiymətləndirməsi sektorunda böyük məsləhətçi” qeyd etməklə  11 mart 2025-ci il tarixinədək göndərə bilərlər.

Kadrlar uçotunun şəxsi vərəqəsindən fərqli formada göndərilən müraciətlərə baxılmayacaq.