“Azərsu” ASC-nin xidmətlərindən yararlanan abunələr, qurumun bir neçə əməkdaşının borc olmadığı halda qapı doyüb ev yiyəsinin su təchizatı üzrə borclu olduğunu bəyan etməsindən narazılıqlarını bildirirlər.

Nəzərə alsaq ki, bu gün bütün dünyada olduğu kimi ölkəmizdə demək olar ki, bütün kommunal xidmət tədarükçüləri xidmət ödənişlərini müxtəlif mobil əlavələr üzərindən onlayn qəbul edirlər və hətta aylıq ödənişlər haqda məlumatı smartfonlarında alırlar, belə bir tədbirin görülməsi ən azından anlaşılmazlıq yaradır.

Xüsusəndə hər ay mütəmadi olaraq vaxtında kommunal odənişləri edən “Azərsu” abunələrində narahatlıq və narazılıq yaradır.

Azərbaycan Respublikası Nazirlər Kabinetinin təsdiqlədiyi “Sudan İstifadə Qaydaları”na əsasən, abonentlərə verilən suyun və axıdılan tullantı sularının həcminə uyğun olaraq hər ay istehlakçıya ödəməli olduğu vəsait barədə bildiriş təqdim edilir.

Bildirişlərdə borcun 1 ay müddətində tam ödənilməli olması barədə xəbərdarlıq edilir, eyni zamanda onların diqqətinə çatdırılır ki, içməli su təchizatı və tullantı sularının axıdılması xidmətlərinin dəyəri vaxtında və tam ödənilmədikdə su təchizatı müəssisəsi tərəfindən suyun verilməsi dayandırılır.

Abonent ödənişi gecikdirdikdə və ya ümumiyyətlə ödəmədən imtina etdikdə qanunvericiliyin tələblərinə əsasən “Azərsu” briqadası ünvana gəlib xəbərdarlıq edə və ya istehlakçının su təchizatını dayandıra bilər.

Hətta, borcların birdəfəlik ödənilməsi abonentin maddi imkanı xaricindədirsə, o zaman borcların hissəli ödənişinə də şərait yaradılmalıdır.

Bunun üçün abonentlər “Azərsu” ASC-nin yerli sukanal idarələrinə yaxınlaşıb şəxsiyyət vəsiqəsi və abonent kodunu təqdim edib borcun müəyyən hissəsini ödəməklə razılaşma protokolu imzalanmalıdır.

Protokol  imzaladıqdan sonra borcun aylar  üzrə bölünmüş ödəniş qrafiki  abonentə təqdim  olunur və bu zaman abonentin su təchizatı dayandırılmır.

Borcla bağlı məlumatlar abonent bazasında əks olunur, borcun azaldılması və silinməsi hər hansı bir şəxsin iradəsi və imkanı xaricindədir. Borcun azaldılması yalnız qanuni və əsaslandırıldığı halda həyata keçirilə bilər.