Novruz bayramı ərəfəsində hər çərşənbə axşamı yer üzündə həyatın təməli olan dörd ünsürdən – su, od, hava və torpaqdan birinə həsr olunur.

Bu gün, 25 fevral, Azərbaycanda Novruz bayramı ərəfəsində bu ilin ilk çərşənbə axşamı – su elementinə həsr olunmuş “Su çərşənbəsi” qeyd olunur və bu il “Yalançı çərşənbə” ilə eyni günə təsadüf edib.

Su kainatın ilk tərkib hissəsidir. Qədim zamanlardan bəri çay və çayların olduğu kənd yerlərində insanlar çaya doğru gedərək çayın üstündən keçərək və qədim inanclara görə bununla son bir ildə bütün başlarına gələn uğursuzluqlarını və çətinliklərini bu yolla tərk edərək yeni bir mərhələyə qədəm qoymuş olurlar. Güman edilir ki, beləliklə insanlar beləliklə ruhən təmizlənərək həyatlarında yeni mərhələyə başlayırlar.

Dünya görmüş insanlarin dediklərinə görə, bu günlərdə şəhər şəraitində dəniz kənarına getmək və düşüncənin gücü ilə “suyun üstündən atlamaq”, keçən ilin bütün mənfi anlarını geridə qoymaq və özünü daxili yeniləmək kifayətdir.

Bu gündə evinizi təmizləməyə xüsusi diqqət yetirmək də adətdir, axşam şirniyyatlar və şamlar ilə və həyatın simvolu olan su ilə dolu bir qab ilə bəzədilmiş masa arxasında ailə ilə birlikdə toplaşmaq vacibdir.

Dinimiz bu cür xurafatlara qarşı olsa da, Uca Allah bizə su göndərdi və dəstəmaz üçün istifadə etməyimizi əmr etdi, və bu ənənədə İslamın əsas sütunlarına zidd bir amil olmadığına görə, xalqımızın qədim adət-ənənələrini unutmamalıyıq.

Su çərşənbəniz mübarək!