Bəşəriyyətin tarixində 11 fevral ilklər nöqteyi nəzərindən əhəmiyyətli gündür.

11 fevral günü dünya tarixində ilk dəfə aşağıda göstərilən hadisələr vaş verib.

1840-cı ildə Parisdə Komik-Opera teatrında italyan bəstəkarı Qaetano Donizettinin “Alayın qızı” adlı iki pərdəli komik operanın premyerası olub.

1889-cu ildə Yaponiyada Prussiya tipli konstitusiya monarxiyasını quran Meiji Konstitusiyası qəbul edildi. Konstitusiya layihəsi üzərində işə İto Hirobumi rəhbərlik edirdi. Konstitusiyanın qəbulundan sonra Yaponiya Asiyada ilk parlamenti yaradıb.

1943-cü ildə Stalin SSRİ-də atom bombasının yaradılması üzrə işə başlamaq haqqında Dövlət Müdafiə Komitəsinin qərarını imzalayıb.

1959-cu ildə Ərəbistan yarımadasının cənub hissəsindəki bir neçə Britaniya koloniyalarından Cənub Ərəb Əmirlikləri Federasiyası yaradılıb.

1970-ci ildə Yaponiyanın ilk süni Yer peyki Osumi orbitə buraxılıb.

1991-ci ildə Haaqada Təmsil olunmayan Millətlər və Xalqlar Təşkilatı yaradılıb. Litvanın müstəqilliyini ilk tanıyan İslandiya olub.