Bəşəriyyətin tarixində 10 fevral bir sıra global əhəmiyyətli hadisə ilə yadda qalıb. Azərbaycanda isə mühüm qərar qəbul edilib.

1881-ci ildə Parisdəki Milli Komik Opera Teatrında Jak Offenbaxın “Hoffman nağılları” operasının premyerası oldu.

1942-ci ildə ilk RCA Victor Qızıl Diski (qızıl təbəqə ilə örtülmüş) Glenn Millerə (“Chattanooga Choo-Choo” yazısına görə) layiq görüldü.

1996-cı ildə IBM Deep Blue superkompüteri ilə Azərbaycanın paytaxtı Bakı şəhərində doğulub böyüyən Qarri Kasparov arasında ilk şahmat matçı başlayıb (Kasparov 4-2 hesabı ilə qalib gəlib)

1998-ci ildə Azərbaycan Milli Məclisi ölüm cəzasının ləğvi və ömürlük həbslə əvəz edilməsi haqqında qərar qəbul edib.

2009-cu ildə Kosmonavtika tarixində ilk süni peyklərin toqquşması Yer orbitində baş verib.