Çia toxumu yemək bədənin ümumi güclənməsinə kömək edir. Toxumların tərkibində çoxlu Omeqa-3 var ki, bu da orqanizmə müsbət təsir göstərir: iltihabın qarşısını alır, qan damarlarının divarlarını gücləndirir, hormonal balansı bərpa edir və görmə qabiliyyətini yaxşılaşdırır. Eyni zamanda arıqlamagada kömək edir.

Məhsul həmçinin qadınlara kritik günlərdə ağrıları aradan qaldırmağa kömək edir, çünki tərkibində çoxlu miqdarda omeqa yağları var. Bu maddələr menstruasiya zamanı ağrıları azaldır.

Bundan əlavə, toxumların tərkibində olan yağlar və zülallar hormonal balansı saxlamağa və menopauza əlamətlərini yüngülləşdirməyə kömək edir.

Tərkibindəki yüksək fosfor sayəsində çia toxumları yaddaşı yaxşılaşdırır və Alzheimer xəstəliyinin inkişafının qarşısını alır.

Məhsul xaşxaş toxumuna bənzəyir, lakin bu, onu qaşıqlayib yeyə biləcəyiniz demək deyil.

Faydalı xüsusiyyətlərini maksimum yararlanmaq üçün toxumları istifadə etməzdən əvvəl üyütmək tövsiyyə olunur.

Arıqlamaq üçün çia toxumlarını necə istifadə etmək olar?

Arıqlamaqda əsas məqsəd aclıq hiss etmədən daha az yeməkdir. Buna görə də, suda bəslənib şişmiş toxumları yeyə bilərsiniz. Bunu etmək üçün toxumlar əvvəlcə bir neçə saat suda islatılmalıdırlar və ya toxumu yedikdən sonra bir stəkan su içə bilərsiniz.

Nəticədə, həddindən artıq yemədən və kaloriləri aşmadan istənilən həcmdə qidalanırıq və lif özümüzü uzun müddət tox hiss etməyə kömək edir.

Çia toxumlarının faydaları ilə yanaşı bir sıra əks göstərişləri var

Böyrək problemləri və ya aşağı təzyiqi olanlar, çia toxumlarından istifadə etməsələr yaxşıdır. Aspirin və ya qan laxtalanmasını azaldan dərmanlar qəbul edərkən toxumlar istehlak edilməməlidir. Alergiyası olanlarda çia toxumlarını ehtiyyatla istifadə etməlidirlər, çünki onların tərkibində alergenlər mövcuddur.

Çia toxumlarının faydası nədir?

Çia toxumlarının müntəzəm istifadəsi həzmi yaxşılaşdırır, xolesterin və qan şəkərinin səviyyəsini sabitləşdirir. Bundan əlavə, toxumların tərkibindəki kalium və zülallar enerji verir ki, bu da beyin fəaliyyətini yaxşılaşdırır və diqqət səviyyəsini artırır.

Çia toxumları seçdikdə nələrə diqqət yetirilməlidir?

Toxum paketinin bütöv və hermetik şəkildə bağlandığından əmin olmalısınız. Məhsulun son istifadə tarixini də yoxlamaq lazımdır. Bundan sonra toxumların özlərini araşdırmağa dəyər. Toxumların qəhvəyi rəngi məhsulun yetişməmiş olduğunu göstərir. Yaxşı toxum qara və ya ağ rəngdə olmalıdır.

Çia toxumlarını necə saxlamaq lazımdır?

Toxumlar quru, qaranlıq, havalandırılan yerdə saxlanmalıdır. Çia toxumlarını böyük bağlamalarla almaq məsləhət deyil. Məhsul yağla zəngindir, ona görə də tez-tez xarab olur və oksidləşir.

Gün ərzində nə qədər və nə vaxt çia toxumu yemək olar

Məhsuldan gündə 2-3 xörək qaşığından çox istifadə edilməməsi tövsiyə olunur. Köpdən və şişkinlikdən əziyyət çəkənlər axşam saatlarında toxumları yesələr daha yaxşıdır. Həzm problemi olmayan insanlar çia toxumunu həm axşam, həm də səhər yeyə bilərlər.

Hansı daha yaxşıdır: kətan toxumu və ya çia toxumu?

Bu sualın dəqiq cavabı yoxdur, çünki hər iki məhsul orqanizm üçün faydalıdır və arıqlamağa kömək edir. Zövqünüzə və cüzdanınıza diqqət yetirməlisiniz. Çia toxumları faktiki olaraq dadsızdır, lakin daha bahalıdır. Kətan toxumlarının isə hər kəsin xoşuna gəlməyəcəyi xüsusi bir dadı var.

Səhər yeməyi üçün və sadə hazırlanan desert kimi faydalı çia pudinginin resepti:

1 stəkan süd

2 xörək qaşığı çia toxumu

1 xörək qaşığı küncüt

1 xörək qaşığı kətan tumu

2-3 qaşıq süzmə və ya qaymaq

1 qaşıq təbii bal

Mövsumə görə meyvələr: banan, apelsin, moruq, çiyələk, qarağat, kivi və s.

Badam və ya fistıq qırıntıları

Hazırlama qaydası: Südə toxumları əlavə edib 5 dəqiqə ərzində qarışdırın və 1 saatadək kənara qoyun. Üzərinə bir qədər meyvə, sonra süzmə və ya qaymaq, bal əlavə edin. Daha sonra çərəz qırıntılarını əlavə edib meyvə ilə bəzəyin.

Bir müddət soyuducuda saxlayıb yedikdə daha dadlı olur.

Axşamdan hazırlayıb səhər yeməyi əvəzinə də yemək olar.