Dünya tarixində 6 fevralda global əhəmiyyət kəsb edən bir sıra hadisə ilk dəfə baş verib.

Bu tarixdə ilk dəfə baş vermiş hadisələr aşağıda qeyd edilib:

1813-cü ildə Venesiyanın La Fenice Teatrında Coachino Rossininin “Tancredi” operasının premyerası olub

1865-ci ildə Sankt-Peterburqda işin başlanmasına və bitməsinə işarə edən və Neva çayında suyun səviyyəsinin təhlükəli həddədək yüksəldiyini bildirən top atəşi ilə günortanı qeyd etmək adəti tətbiq olundu. Eyni zamanda top atəşləri hərbi qələbələrin və dövlətin həyatında əlamətdar hadisələrin şərəfinə açılır.

1880-ci ildə Avstriya astronomu İohann Palisa böyük Medeya asteroidini kəşf edib.

1918-ci ildə Britaniya Parlamenti 30 yaşdan yuxarı, ailə başçısı olan, ailə başçısı ilə evli olan və ya universiteti bitirmiş qadınlara səsvermə hüququ verən qanun qəbul edib.

1945-ci ildə Londonda Britaniya Həmkarlar İttifaqı Konqresinin təşkil etdiyi Birinci Ümumdünya Həmkarlar İttifaqları Konfransı öz işinə başlayıb. Ümumdünya Həmkarlar İttifaqları Federasiyası yaradılıb.

1948-ci ildə Macarıstanlı fizik Zoltan Bay Aydan ilk əks-səda siqnalını alıb. Radar astronomiyasının əsası qoyulub.

1959-cu ildə Titan ailəsindən olan Titan-1 tək döyüş başlığına malik iki pilləli, maye yanacaqla işləyən Amerikan qitələrarası ballistik raketin ilk buraxılışı olub.

1959-cu ildə Texas Instruments (TI) şirkətində çalışan amerikalı alim və mühəndis Cek Kilbi inteqral sxemin ixtirası üçün patent alıb. 2000-ci ildə alim bu ixtirasına görə fizika üzrə Nobel mükafatı alıb.

1969-cu ildə ortoped-cərrah Viktor Deqas Təbəssüm Ordeninin ilk Cəngavəri olub. Təbəssüm ordeni (Usmiechu orden) uşaqlara sevinc bəxş edən məşhur insanlara verilən beynəlxalq mükafatdır.

1984-cü ildə Braziliyanın Antarktika stansiyası “Comandante Ferraz” Antarktidada Braziliyanın maraqları zonasında Vaterloo adasında (King George) (Cənubi Şetland adaları) Admiralty körfəzinin sahilində fəaliyyətə başlayıb.

1987-ci ildə İsveçdə hər il insan hüquqları sahəsində Olof Palmenin əldə etdiyi nailiyyətlər xatirəsinə Olof Palme mükafatı təsis edilib.

2018-ci ildə Cape Canaveral kosmodromundan Falcon Heavy super ağır daşıyıcı aparatının ilk buraxılışı həyata keçirilib.

2023-cü ildə Türkiyə və Suriyada 21-ci əsrin ən böyük zəlzələlərindən biri baş verib və nəticədə 57 mindən çox insan ölüb.