“WhatsApp” şəxsi söhbətlər üçün hadisələri yaratmaq funksiyasını təqdim edəcək.

Artıq yalnız qrup söhbətlərində və icmalarda mövcud olan funksiya vasitəsi ilə şəxsi çatlarda da hadisələri yaratmaq mümkün olacaq.

Yeni funksiya artıq “Android” üçün “WhatsApp”ın beta versiyasında sınaqdan keçirilir və tezliklə bütün istifadəçilər üçün əlçatan olacaq.

İstifadəçilər “Google Calendar” kimi üçüncü tərəf proqramlarına etibar etmədən birbaşa “WhatsApp” daxilində asağıdakı imkanlardan istifafə edə biləcəklər:

• Birbaşa söhbətdə xatırlatma yaratmaq
• Təyin olunmuş vaxtda söhbətin iştirakçılarına bildirişin gondərilməsi
• Tədbirləri zənglərlə əlaqələndirməyə və iştirakın təsdiq və ya rədd edilməsi seçimi ilə dəvət göndərmək imkanı

Hazırda sözügedən funksiya sınaq mərhələsindədir və onun bütün istifadəçilər üçün nə zaman əlçatan olacağı məlum deyil.