Dünya tarixində 5 fevralda global əhəmiyyət kəsb edən bir sıra hadisə ilk dəfə baş verib.

Bu tarixdə ilk dəfə baş vermiş hadisələr aşağıda qeyd edilib:

1778 – Cənubi Karolina ABŞ-ın ilk konstitusiya sənədi olan Konfederasiya və Əbədi Birlik Maddələrini ratifikasiya edən ilk ştat olub.

1852 — Sankt -Peterburqda Ermitaj cəmiyyətə açılıb. Dünyanın ən iri muzeylərindən olan Ermitajın 350 zalında 3 milyonadək eksponat var. Muzey 5 binadan ibarətdir: Qış sarayı, Kiçik Ermitaj, Köhnə Ermitaj, Yeni Ermitaj, Ermitaj Teatrı. Bu binalar bir-birilə əlaqəli tikilib. İlk vaxtlar eksponatlar Qış sarayının otaqlarında yerləşdirilib.

1887 – La Skala teatrında F.Tamaqno (Otello) və V.Morelin (Yaqo) iştirakı ilə Cüzeppe Verdinin “Otello” operasının premyerası olub.

1909 – Belçikalı kimyaçı Leo Baekeland əldə etdiyi material haqqında məlumat verib və onu “Bakelit” adlandırıb. Bu material ilk sintetik termoset plastik idi – yüksək temperaturda yumşalmayan plastik.

1913 – Yunan pilotları Michael Moutousis və Aristides Moraitinis dünya tarixində dəniz aviasiyasının ilk döyüş uçuşunu edib.

1916 Kabaret Volter ədəbiyyat, təsviri incəsənət, teatr və kinoda avanqard hərəkat olan Dadaizmin doğulduğu Sürixdə açıldı. 1916-cı ildən 1923-cü ilə qədər mövcud olub.

1919 – Meri Pikford, Duqlas Fairbanks, Çarli Çaplin və Devid Qriffit “United Artists” kinostudiyasını qurublar

1924 – BBC Greenwich Time Signal adlanan saatlıq vaxt siqnallarını yayımlamağa başlayıb. Naviqasiya üçün ilk radio vaxt siqnalları 1904-cü ilin payızında ABŞ Hərbi Dəniz Qüvvələrinin radio xidməti tərəfindən ötürülməyə başlandı. Dənizdəki gəmilərə bu siqnallardan istifadə edərək xronometrlərini təyin etmək imkanı verilib.

1928 — Vitamin D süni şəkildə uğurla sintez olunur. Bir sıra klinik tədqiqatlara əsasən, gənc uşaqlarda xroniki D vitamini çatışmazlığı gələcəkdə müxtəlif xəstəliklərin inkişaf riski ilə əlaqələndirilir: şəkərli diabet, piylənmə, otoimmün xəstəliklər, xərçəng, ürək-damar xəstəlikləri, psoriaz, atopik xəstəliklər, iltihablı bağırsaq xəstəlikləri.

1952 – Nyu Yorkda ilk piyada işıqforu quraşdırılıb.

1971 – NASDAQ fond indeksi yaradılıb.

1979 – Ayətullah Xomeyni İranı İslam dövləti elan edib.

1991 — Azərbaycan SSR Ali Sovetinin sessiyasında dövlətin adının Azərbaycan Respublikası adlandırılması haqqında qərar qəbul edilib.