Spirtli içkilərin təsirlərindən biri də dopamin ifrazıdır. Yeni araşdırmalar göstərir ki, kofein asılılığa səbəb olan maddələrin istehsalını azalda bilər.

ABŞ və İtaliya alimlərinin gəmiricilər üzərində apardıqları təcrübələr spirtin hansı mexanizmlər vasitəsilə insanı eyforiyaya saldığını və kofeinin alkoqollu içkilərin xoş təsirini necə neytrallaşdıra biləcəyini göstərib. Zövq alınmayan yerdə isə asılılıq da əmələ gəlmir.

Spirtli içkilər bir sıra neyrokimyəvi reaksiyalara səbəb olur. Dopamin və asetaldehidin (spirtdə tapılır) qarşılıqlı təsiri nəticəsində salsolinol maddəsi əmələ gəlir ki, bu da dopaminin mükafatlandırma sistemi ilə birbaşa əlaqəli olan beyin nüvəsinin opioid reseptorlarına təsirini gücləndirir, həzz və asılılığın formalaşmasına yol açır.

Araşdırmaya görə, kofein salsolinolun istehsalına mane ola bilər və bununla da dopaminin beyinə təsirini azalda bilər.

Alkoqolun təsirini zərərsizləşdirmək üçün nə qədər kofein tərkibli içki içmək lazım olduğu dəqiqləşdirilməyib, çünki təcrübə gəmiricilər üzərində aparılıb. İnsanlar üzərində bu cür təcrübələrin aparılması çətin və qeyri-etikdir.

Həm də qeyd etmək lazımdır ki, eyni zamanda spirt və kofein içmək tövsiyə edilmir: alkoqol rahatlaşdırır, kofein isə əksinə tonusu yüksəldir, buna görə də insan sərxoşluq dərəcəsini hiss etməyə və həddini aşa bilər.

Buna görə də, vaxt intervalına riayət etmək daha yaxşıdır, belə ki, kofeinin əsas təsiri orta hesabla 4 saat ərzində azalır.

Hər halda, bu iş alkoqolizmin qarşısının alınması və onunla mübarizənin yeni üsullarının işlənib hazırlanmasına istiqamət verir.