İqlim dəyişikliyi və onun sağlamlığa təsiri məsələləri fövqəladə haldır.

TÜRKPA üzv parlamentlərinin Səhiyyə komitələri sədrlərinin ikinci iclası zamanı çıxış edən Türkiyə Böyük Millət Məclisinin Səhiyyə, ailə, əmək və sosial məsələlər komisiyyasının sədri Vedat Bilgin deyib.

O bildirib ki, insan və təbiət arasında tarazlığın qurulması hər dəfə yalnız bir cəmiyyət və bir ölkə ilə məhdudlaşmayan, bütün insanları əhatə edə biləcək nəticələrə gətirib çıxarır.

“Müasir dövrdəki iqlim dəyişikliklərinə səbəb insanlarla təbiət arasında təbii mühitin pozulmasıdır. Xərçəng xəstəliklərinin sürətli şəkildə yayılmasının iqlim dəyişiklikləri ilə əlaqəli olduğunu da bilirik. Bir çox ölkədə bu hallar yaşanır. Bu insanlıq üçün bir təhlükədir.

Bizim təkcə havamız deyil torpağımız da pozulub. Torpağın təbii olmayan gübrələrlə belə yüklənməsi ona ziyan vurur.” – deyə o əlavə edib.

Qırğız Respublikası Joqorku Keneşinin Sosial siyasət komitəsinin sədri Vinera Raimbaçayeva tədbirdə çıxışı zamanı bildirib ki, iqlim dəyişikliyi sağlamlığa birbaşa təsir edir və bu məsələdə gənclərin sosial adaptasiyası mühüm əhəmiyyət kəsb edir.

Onun sözlərinə görə, gənclərə daha gözəl və sağlam həyat təqdim etmək istəyiriksə, onların gələcəyinə investisiya qoymalıyıq. Bunun üçün təbiətə daha az mənfi təsir göstərən vasitələrdən istifadə etmək, eləcə də cəmiyyətə zərərli təsir göstərən halların qarşısını almaq vacibdir.