Meymunçiçəyi virusundan necə qorunmaq olar? – VİDEO

Meymunçiçəyi virusuna qarşı vaksinlər istehsal olunur və yalnız bu virusa endemik ölkələrə paylanılır.

Səhiyyə Nazirliyinin mütəxəssis-eksperti, terapevt Zakir Quliyev nazirliyin rəsmi İnstaqram hesabında canlı yayım zamanı onu da bildirib ki, Azərbaycan endemik ölkələr siyahısına daxil deyil.

“Beynəlxalq səhiyyə təşkilatları tərəfindən aparılan araşdırmalar göstərir ki, çiçək xəstəliyinə qarşı hazırlanan vaksinlər həm də meymunçiçəyi xəstəliyinə qarşı effektiv qorunmanı təmin edir. Bu vaksinlər epidemiya riski olan ərazilərdə və ya virusa məruz qalma ehtimalı olan insanlarda qorunmanı təmin etmək üçün istifadə olunur. Peyvəndlər həm xəstəliyin yayılmasının qarşısını almaqda, həm də yoluxma halında xəstəliyin şiddətini azaltmaqda mühüm rol oynayır”, – deyə o bildirib.