Bir qədər öncə sosial şəbəkələrdə mülki şəxslərin Azərbaycan-Gürcüstan sərhədindən keçdiyini əks etdirən görüntülər yayılıb.

Trend-in verdiyi məlumata əsasən, Dövlət Sərhəd Xidməti sərhəd buraxılış məntəqələrinin Nazirlər Kabinetinin qərarına əsasən fəaliyyət göstərdiyini bildirib.

“Dövlət sərhədindən buraxılış məntəqələri Nazirlər Kabinetinin müvafiq qərarına uyğun olaraq fəaliyyət göstərir. Əcnəbilər ölkə ərazisinə gələn zaman hava yolundan istifadə etməlidirlər, ölkə ərazisini tərk etdikləri zaman isə heç bir məhdudiyyət qoyulmur”, – DSX-dən bildirilib.

Qeyd edək ki, Azərbaycanda xüsusi karantin rejimi 1 aprel 2025-ci ilə qədər uzadılıb.