“Birbank” mobil tətbiqindən isitifadə edilən “BakıKart” QR biletləri üzrə vətəndaşların hesablarına qaytarılan vəsait yanvarın 10-dək müvafiq kart balansından çıxılacaq.

Bununla bağlı “BirBank” istifadəçilərinə xəbərdarlıq göndərilib.

Qeyd edək ki, Bakı və Abşeron ərazisində metro və avtobuslardan istifadə edən sərnişinlər gediş haqlarını fiziki kart olmadan “Birbank” mobil tətbiqində QR bilet yaradaraq asanlıqla ödəyə bilirlər. Bilet yarandıqdan 1 dəqiqə ərzində istifadə edilə bilər. Bilet istifadə edilmədikdə ödənilən məbləğ 3-30 gün ərzində müştərinin hesabına geri qaytarılır.

Noyabr ayında baş vermiş texniki xəta nəticəsində sərnişinlərin “BakıKart” QR biletləri üzrə istifadə etmədikləri biletlərlə yanaşı istifadə etdikləri biletlərin ödənişləri də onların hesablarına geri qaytarılıb.

Bank qəzanın fəsadlarının aradan qaldırmaq məqsədi ilə müştərilərin, istifadə edilən biletlərə görə, 29 noyabr-4 dekabr tarixləri aralığında onların hesablarına qaytarılan vəsaiti 10 yanvar tarixinədək müvafiq kart balansından çıxacaq.