Bir sıra aidiyyatı quruma müraciət etsək də bu sualın cavabını ala bilmədik. KOBİA-dan ticarət mərkəzində fəaliyyət göstərən sahibkarlıq subyektlərinin sayı haqda məlumat ala bilmədik.

Bakı Şəhər İcra Hakimiyyətindən verilən məlumata əsasən, “Keşlə bazarı” kimi tanınan ticarət mərkəzində sahibkarlıq fəaliyyəti ilə məşğul olan vətəndaşların çoxsaylı müraciətləri nəzərə alınaraq bazarda söküntü işlərinin başlanılması 2025-ci ilin fevral ayının 1-nə qədər təxirə salınıb.

Azərbaycan Avtomobil Yolları Dövlət Agentliyinin yaydığı məlumata əsasən, Həsən Əliyev küçəsindən Ziya Bünyadov prospektinə paralel olaraq “Koroğlu” metro stansiyasına qədər yeni avtomobil yolunun tikinti işləri icra olunur. Layihənin xüsusi dövlət əhəmiyyəti nəzərə alınmaqla Heydər Əliyev prospektində və Ziya Bünyadov prospektində nəqliyyat vasitələrinin sıxlığının azaldılması və hərəkətin təhlükəsizliyinin təmin edilməsi nəzərdə tutulur.

Qeyd edək ki, yeni yolun tikintisi ilə əlaqədar olaraq tikinti altına düşən yaşayış və qeyri yaşayış obyektlərinin, həmçinin torpaq sahələrinin ölçüləri hazırlanıb və tikinti altına düşən maneələrin qiymətləndirilməsi işləri yerinə yetirilib. Bu çərçivədə tikinti altında düşən yaşayış və qeyri yaşayış obyektlərinin, o cümlədən “Keşlə bazarı” kimi tanınan ticarət mərkəzinin də sökülməsi nəzərdə tutulub.

Bazarın işçiləri onun gələcək fəaliyyəti ilə bağlı məlumatlarının olmadığını qeyd edirlər. Yəni “Keşlə bazarı” kimi tanınan ticarət bazarı köçürülməsi və ya tamamilə fəaliyyətini dayandırılması ilə bağlı heç bir məlumat verilmir.