Hava məlumatlarının, hava durumu ilə bağlı erkən xəbərdarlıqların daha əlçatan olması məqsədilə Azərbaycanda meteo.az mobil tətbiqi istifadəyə verilib.

Ekologiya və Təbii Sərvətlər Nazirliyinin mətbuat katibi İradə İbrahimova bildirib ki, hər kəs artıq “İOS” və “Android” əməliyyat sistemləri ilə işləyən smartfon cihazları vasitəsilə ölkə ərazisində mövcud və gözlənilən hava şəraiti ilə bağlı xəbərdarlıqlar haqqında məlumatları öyrənə bilər.

Qısamüddətli hava proqnozu ilə yanaşı həftəlik hava proqnozlarını da əldə etmək mümkündür.

Bu xidmətlərdən, meteo.az tətbiqini xüsusi platformalardan ödənişsiz yükləyərək, istifadə etmək olar.