Beynəlxalq analitik və ekspetlərin rəylərinə əsasən növbəti beş ildə (2025-2030-cu illər) qızılın qiyməti artmaqda davam edəcək.

Litefinance bildirir ki, bu ilin əvvəlindən qızıl 23%-dən çox bahalaşaraq, may ayının ortalarında bir unsiya üçün 2450,00 dollara qədər bütün zamanların ən yüksək səviyyəsinə çatıb. Buna səbəb əsas idxalçı ölkələrdən qızıla artan tələbatdır. Dünya üzrə aparılan müharibələrdə qızılın qiymətinin artmasına öz təsirini göstərir.
Artımın əsas amillərindən biri son altı ayda idxalçı ölkələrin mərkəzi bankları tərəfindən fiziki qızılın əhəmiyyətli dərəcədə alışı olub.

Bu artan qorxu indeksi və təhlükəsiz sığınacaq statusu səbəbindən baş verir. İnvestorların qorxuları artan qeyri-müəyyənlikdən və bu il ABŞ-da tənəzzül ehtimalından qaynaqlanır.

Bundan əlavə, aktivin dəyərindəki artım mərkəzi banklar, xüsusilə də Çin Xalq Bankı və Hindistan Ehtiyat Bankı tərəfindən aktiv alışlar hesabına baş verib.

Belə ki, analitiklər ilin sonunadək qızılın 1 unsiyyasının qiymətinin maksimum 5 faizədək artacağını proqnozlaşdırırlar. Növbəti beş ildə isə qızılın qiymətinin 80-90%-dək artacağı proqnozlaşdırılır.