Əslində dünya ictimaiyyəti Fransada keçirilən Olimpiya oyunlarına və bu performansda iştirak edən qəhrəman idmançılara təşəkkür etməlidir. Niyə? Bu sualın cavabını aşağıda təqdim etdiyimiz məqalədə tapa bilərsiniz.

Müşahidələrimizə görə Parisdə keçirilən Olimpiya oyunlarında ən azından üç global problem önə çıxarılaraq bütün dünya ictimaiyyətinin diqqətini çəkib.

İlk növbədə, builki Olimpiya oyunlarında, insanların dindən, etik normalardan uzaqlaşması və artıq açıq aydın qara qüvvələrə ruhlarını satmağa belə hazır olduqları göstərildi. Əks halda açılış günü “son şam yeməyi”nə biyabırçı parodiya Olimpiya oyunlarının açılış performansında yer ala bilməzdi.

İkinci problem gender anlaşılmazlıqlarıdır. Bu günədək transgenderlərin və hermofroditlərin idman yarışlarında hansı şəkildə iştirak edəcəyi ilə bağlı bir qayda yox idi, artıq bu mövzu gündəmə gəldi.

Biz artıq görürük ki, kişi doğulan bir insan istənilən halda kişidir, qadında qadındır, onlar eyni güclü və bacarıqlı məxluqlar deyil.

Elmi araşdırmalara görə istənilən insan xromosom yığımına görə dünyaya kişi olaraq gəlibsə o cəmiyyətdə qadın kimi gəbul edildikdə psixoloji diskomfort hiss edir və aqressiyası artır, eyni hisslər qadınlara da aiddir. Beləliklə, qadınla rinqə çıxarılan kişinin gücünün üstünə birdə ilahi ədalətsizlik gücü gəlir və biz bunun nəticəsinin builki Olimpiya yarışlarında şahidi olduq.

Hazırda bəzi ölkələrdə gender seçimi azadlığı kimi gələmə verilən uşaqların özünütanıma təcrübəsinin yanlış olduğunu biz Olimpiya oyunlarında müşahidə etdik.

Məlumdur ki, uşaqların müəyyən yaş dövrlərində qarşı cinsə aid olan oyunlara marağı keçici hal kimi müşahidə oluna bilər, lakin yetkinlik yaşına çatdıqda hər şey öz yerinə oturur, əlbəttə ki, bu keçici həvəs alqışlanaraq süni şəkildə aşılanmadıqda.

Transgenderlərlə yarışa çıxan güclü qadınların rinqi, zərbələrin ağır olduğunu deyərək, göz yaşları ilə tərk etməsi güclərin fərqli olduğunun bariz nümunəsidir. Necə deyərlər, sən nə qədər istəyirsən de ki, mən dovşanam, meşə əhli səni tülkü görürsə, ya eyni güclü tülkülərə qoşulmalısan, ya da, yarışmaq şərtdirsə, özün kimilərlə yarışmalısan.

Beləliklə, artıq üçüncü gender mövzusu və yarışları gündəmə gətirilir və biz nəzərə almalıyıq ki, bu həssas mövzudur, çünki qarışıq cinsli insanlar var və onlarında idmanla məşğul olaraq yarışlara qatılmaq hüququ var.

Üçüncü məsələ ekoloji problemdir, bu da Sena çayının həddən artıq çirklənməsidir ki, bu məsələ ilə göründüyü kimi yetərincə məşğul olan yoxdur.

Qeyd etməliyik ki, bu təkcə Fransanın problemi deyil, dünya üzrə bir çox su hövzələri, çaylar mövcuddur ki, onların həddən artıq çirklənməsi hazırkı, iqlim dəyişikliləri fonunda daşqınların müşahidə olunduğu dönəmdə, global bir problemdir.

Bildiyimiz kimi, suyun axarlılıq kimi bir xüsusiyyəti var, onun səviyyəsi artaraq daşdıqda bir yerdə qalmır, sərhəd də tanımır. Çirklənmiş su hövzələri, çaylar daşdıqda isə insanların bir çox infeksion xəstəliklərə yoluxmasına və növbəti pandemiyalara səbəb ola bilər. Bununla yanaşı, flora və fauna ilə bağlı problemlərdə mövcuddur.

Olimpiya oyunlarında idmançıların normal qidalanmasının təmin edilməməsi isə ölkədə nizam-intizam və maliyyələşmə ilə bağlı ciddi problemlərin olmasının göstəricisidir. Ola bilsin ki, Fransızlar ölkələrində xaricilərin axınına səbəb olan irimiqyaslı yarışmaları gəbul edilməsinə etirazlarını bu yolla göstərmək istəyiblər.

Onu bilirəm ki, fransızlar öz məqsədlərinə çatdılar, dünya ictimaiyyəti, bütün problemləri tam çılpaqlığı ilə gördü.

Aynur Vəliyeva