Xarici mətbuatda, plastik çay paketlərinin milyonlarla mikroplastik hissəciklər yaydığını aşkar edən 2019-cu il araşdırmasını müzakirə edir. Lakin mütəxəssislər arasında fikir ayrılığı mövcuddur, bəziləri bu çayların orqanizmə zərər verə biləcəyi ilə razılaşmırlar.

Kanadanın McGilla Universiteti tərəfindən 2019-cu ildə aparılan bir araşdırma, çay paketlərinin 11,6 milyard mikroplastik və 3,1 milyard nanoplastika buraxa biləcəyini göstərdi.

Bu, əsasən polimer materialdan hazırlanan piramidalara aiddir.

Bununla belə, İstehlakçı Hüquqlarının Müdafiəsi üzrə Milli Birlik (NCUCP) hesab edir ki, araşdırma ilə bağlı suallar var. Məsələn, aradırmada çay torbalarının cırılaraq bu formada qaynar suya atılması təsvir edilir. Buna görə materialın strukturu əhəmiyyətli dərəcədə zədələnmişdir ki, bu da mikroplastiklərin suda sərbəst yayılmasına səbəb olmaya bilməzdi.

Ekspertlər qeyd edirlər ki, paketlərin hansı materialdan hazırlandığı önəmlidir, çünki arzuolunmaz maddələrin miqrasiya riski istifadə olunan polimerdən asılıdır. Məsul istehsalçılar yalnız bütün lazımi sertifikatları olan yüksək keyfiyyətli materialları seçirlər (o cümlədən, paketlərdə olan maddələrin isti içkiyə keçmədiyini təsdiqləyənləri).

Xammalın sertifikatlaşdırılması haqqında məlumat adətən qablaşdırmaya daxil edilmir, lakin sertifikatlar istehsalçıdan tələb oluna bilər. Əlaqələr adətən etiketdə və istehsalşının internet saytında göstərilir.

Təcrübədə kanadalı alimlər “ipək kimi” neylon və PET (polietilen tereftalat) istifadə ediblər. Britaniyanın Tea journey portalının məlumatına görə, bu materiallar çay paketlərinin istehsalı üçün istifadə olunan materialların ümumi bazarının yalnız 5%-ni təşkil edir.

O, həmçinin bildirir ki, mikro və nanoplastik hissəciklərin sayının milyardlarla hesablanmasına baxmayaraq, söhbət əslində kiçik miqdarlardan – qramın kiçik fraksiyalarından gedir. Biz balıqdan, şüşə içkilərdən təxminən eyni miqdarda mikroplastik yeyə, həmçinin onları havada uda bilərik.

İndiyə qədər orqanizmə daxil olan mikro və nanoplastik hissəciklərin mütləq xəstəliklərə yol açdığına dair heç bir sübut yoxdur.

Plastikdə bisfenol A və ftalatlar, PFAS kimi təhlükəli çirklərin olması başqa məsələdir. Onlar birdəfəlik qablar və s. plastik əşyalarda ola bilər.

Beləliklə, plastik çay paketlərinin təhlükələri sübut olunmamış qalır.