Rejissor Rodion İsmailovun “Doğma ocaq” tammetrajlı sənədli filmi nümayiş olunacaq.

Filmin qəhrəmanı 10 yaşlı Lolitanın anası rus, atası isə azərbaycanlıdır. Lolita, atasının valideynləri, doğmaları ilə tanış olmaq üçün ilk dəfə Azərbaycana gəlir. Burada gördükləri, doğmalarının münasibəti, adət-ənənələr, gözəl təbiət onun xatirəsində unudulmaz izlər buraxır.

Film Rusiya antropoloji filmlər festivalında “Ən yaxşı antropoloji film” mükafatına,”Şaken ulduzları” XI beynəlxalq kinofestivalında “Ən yaxşı sənədli film” mükafatına layiq görülüb.

Filmin rejissoru: Rodion İsmailov, operator: Mixail Qorobçuk, bəstəkar: Vladimir Kuptsov, montaj: Svetlana Lyadvina, prodüserlər: Rodion İsmailov, Svetlana Dalskaya, Elçin Musaoğlu, Xaqani Həşimovdur.

Nümayiş 23 iyul, saat 19:00-da “Azərbaycan” CinemaPlus kinoteatrında baş tutacaq.

Giriş sərbəstdir.