London İmperial Kollecinin alimlərinin apardığı yeni araşdırmaya görə, lif təkcə həzmi yaxşılaşdırmır, həm də iştahı idarə edir.

Harvard Tibb Məktəbinin araşdırmalarına əsasən, lif ürək xəstəliyi, 2-ci tip diabet kimi bir sıra xəstəliklərin inkişaf ehtimalını azaldır, həzmi yaxşılaşdırır və bəzi xərçəng növlərindən qoruyur.

Belə ki, 40.000-dən çox kişinin iştirak etdiyi Harvard tədqiqatı nəticəsində məlum olub ki, koroner ürək xəstəliyi riski 40% azalıb.

Böyük Britaniya alimləri lifin iştaha necə təsir etdiyini araşdırıblar. Əvvəllər onun mədədə şişməsi və bununla da dolğunluq hissini uzatdığına inanılırdı. Məlum oldu ki, hər şey daha mürəkkəbdir.

Alimlər müəyyən ediblər ki, lif iştahı azaldan PYY peptid hormonunun istehsalını stimullaşdırır. Xüsusilə, onun sərbəst buraxılmasına staxioz və amin turşuları tirozin, fenilalanin, aspartat və asparagin təsir göstərir – onlar lobya, noxud, mərci, pendir, ət və quş ətində, çia toxumlarında, marakuya, avokado, moruqda, narda, xurmada olur. Gələcəkdə bu maddələr aclığı yatırmaq üçün dərmanların əsasını təşkil edə bilər.