Fırıldaqçılar Telegram Stars valyutasından öz məqsədləri üçün istifadə etməyə başlayıblar.

Bu yaxınlarda Telegram botlarda və proqramlarda alış-veriş zamanı ödəniş etmək üçün nəzərdə tutulmuş Telegram Stars adlı yeni valyuta təqdim edib. Fırıldaqçılar isə qiymətli məlumatları oğurlamaq üçün bu fürsətdən tez istifadə etməyə başlayıblar.

Onlar “App Store” və “Google Play” kimi rəsmi platformalardan yan keçərək, Telegram Stars-ın satışı ilə bağlı reklamları əvvəlcədən yerləşdirib sərfəli şərtlər vəd edirlər.

“İzvestiya” yazır ki, onların əsas məqsədi istifadəçilərin şəxsi məlumatları, o cümlədən Telegram Wallet kripto pul kisəsinə girişdir.

Mütəxəssislər qeyd edirlər ki, kriptovalyutalardan istifadə xüsusilə xaricə pul köçürmələri və alış-verişə məhdudiyyətlər kontekstində populyar ödəniş üsuluna çevrilib.

Bəzi istifadəçilər pul kisəsini Telegram hesablarına bağlayaraq sadələşdirilmiş seçimə üstünlük verirlər. Fırıldaqçılar isə qazanc əldə etmək üçün məhz bu boşluqdan istifadə edirlər.