“The Irish Medical Journal” elmi jurnalında dərc olunan araşdırmanın nəticələrinə görə, 2022-ci ilin mayından 2023-cü ilin mayına qədər İrlandiyada 229 nəfərdə meymun çiçəyi aşkar edilib. Onların hər onda biri xəstəxanaya yerləşdirilib.

Orta hesabla xəstələrin infeksiyadan 21 gün əvvəl iki cinsi partnyoru olub. Qurbanlardan yalnız biri bu müddət ərzində 75 nəfərlə yatmağı bacarıb. Onların hamısı meymun çiçəyinə yoluxub.

Araşdırmada xəstələrin 46 faizinin 35 yaşdan aşağı olduğu qeyd edilib. Xəstəliyə yoluxanların maksimum yaşı 68-dir. Xəstələrin üçdə ikisi İrlandiyanın yerliləri, üçdə birindən bir qədər az hissəsi Latın Amerikasından gələnlər olub.

İrlandiyada meymun çiçəyi epidemiyası 2022-ci ilin yayında pik həddinə çatıb, bundan sonra xəstələrin sayı kəskin şəkildə azalıb.

Monkeypox, bədəndə xarakterik səpkilərlər müşayiət olunan viral bir xəstəlikdir. Birbaşa təmas və hava-damcı yolu ilə ötürülə bilər. İlk infeksiya 2022-ci il mayın 7-də Nigeriyadan qayıdan britaniyalıda aşkarlanıb. Bundan sonra bir sıra başqa ölkələrdə də yoluxma halları qeydə alınıb.