Ekvador “Leave the World Behind” filminin süjetində fərqli səbəbdən yer almış enerji böhranı yaşayır. Ölkə tamamilə zülmətə qərq olub, hər yerində elektrik enerjisinin kəsilməsi qeydə alınıb.

Ekvador KİV-lərində qeyd edilir ki, buna səbəb elektrik xətlərində baş verən nasazlıqdır.

Paytaxt Kitoda metro işləmir. Həmçinin, işıqforların işləməməsi şəhərdə nəqliyyat sıxlığına səbəb olub. Ölkədə internet xidmətlərində fasilələr müşahidə olunur.

Qeyd edək ki, Ekvador bir neçə aydır, enerji sahəsində ağır böhran yaşayır. Quraqlıq səbəbindən su elektrik stansiyalarının işləməməsi və Kolumbiyadan elektrik enerjisi tədarükünün dayandırılması vəziyyəti daha da ağırlaşdırıb.