Son zamanlar sosial şəbəkələrin Azərbaycan seqmentində “Ib Trading” broker şirkəti qeniş reklam edilir. Eyni şirkət Orta Asiya ölkələrində fəaliyyət göstərir.

“Ib Trading” broker şirkəti investorlar və treyderlər arasında ciddi şübhələr yaradır, çünki onun fəaliyyəti ilə bağlı xeyli sayda şikayət və mənfi rəylər var. Şirkət ibtrading.co, ibtrading.org, ibktrading.net ünvanları üzərindən fəaliyyət göstərir.

Bir çox müştərilər iddia edirlər ki, Ib Trading şübhəli xidmətlər göstərən və investorlar qarşısında öhdəliklərini yerinə yetirməyən bir fırıldaqçı şirkətdir. Bu yazıda biz brokerin öz müştərilərini necə aldatdığını, onunla əməkdaşlığın hansı təhlükələr yaratdığını, həmçinin fırıldaqçıların tələsinə düşməyin qarşısını necə alacağı ilə bağlı məlumat verəcəyik.

Ib Trading brokeri necə aldadır?

Broker “Ib Trading” yeni müştəriləri cəlb etmək və onların vəsaitlərindən maksimum fayda əldə etmək üçün müxtəlif aldatma üsullarından istifadə edir. Ümumi üsullardan biri itki riski olmadan sürətli və sabit gəlir vədidir. Broker müştərilərə yüksək faiz dərəcələri və minimal risklər vəd edərək pullarını müəyyən maliyyə alətlərinə investisiya etməyi təklif edir. Bununla belə, praktikada bir çox investorlar bazarın qeyri-sabitliyi və ya Ib Trading tərəfindən verilən yalnış proqnozlara əsasən əməliyatlar keçirərək vəsaitlərini itirə bilərlər. Komissiyalar haqda rəsmi məlumat vermirlər.

Başqa bir aldatma üsulu ticarət əməliyyatlarının manipulyasiyasıdır. Broker müştərinin razılığı olmadan aktivlərin qiymətlərini təhrif edə, qeyri-real spredlər təyin edə və ya əməliyyatlar həyata keçirə bilər. Nəticədə investorlar heç bir qazanc əldə etmədən bütün investisiyalarını itirə bilərlər.

Ib Trading brokeri ilə əməkdaşlıq maliyyəniz üçün ciddi risklər daşıyır. Birincisi, şirkət müştərilər qarşısında öhdəliklərini yerinə yetirmədən öz ehtiyacları üçün vəsaitlərinizdən istifadə edə bilər. İkincisi, ticarət şəraitində ciddi itkilərlə nəticələnəcək gözlənilməz dəyişikliklərlə qarşılaşa bilərsiniz.

Zərərçəkmişlərin müxtəlif forumlarda şikayətlərinə əsasən Ib Trading tərəfindən fırıldaqçılıq və ya qeyri-qanuni fəaliyyətlərlə qarşılaşsanız, hüquqlarınızı qorumaq və itirilmiş vəsaitləri geri qaytarmaq üçün hüquq-mühafizə orqanları ilə əlaqə saxlamalı olacaqsınız.

Ib Trading-də fırıldaqçılıq və aldatma əlamətləri

Ib Trading brokeri tərəfindən fırıldaqçılıq və aldatmanın əsas əlamətlərindən biri lisenziyanın və tənzimləmənin olmamasıdır. Etibarlı broker həmişə müvafiq lisenziyalara malik olmalı və maliyyə tənzimləyiciləri tərəfindən nəzarət edilməlidir. Əgər şirkət müvafiq icazələr olmadan fəaliyyət göstərirsə, bu, onun saxtakarlıq edə biləcəyinə güclü işarədir.

Fırıldaqçılığın başqa bir əlaməti brokerin uduşları müştəriyə ödəməkdən imtina etməsi və ya maliyyə əməliyyatlarının aparılmasında gecikmə ola bilər. Əgər Ib Trading pul vəsaitlərinin çıxarılması üzrə öhdəliklərini yerinə yetirmirsə və ya müştərinin hesabına əsassız məhdudiyyətlər qoyursa, bu, onun saxtakarlığını göstərir.

Broker tərəfindən şəffaflığın və məlumatın olmamasına da diqqət yetirməlisiniz. Əgər şirkət öz fəaliyyəti, əməkdaşlıq şərtləri və riskləri haqqında tam məlumat vermirsə, bu həm də onun müştərilərdən nəyisə gizlətdiyinə işarə ola bilər.

Ib Trading brokeri müştəriləri cəlb etmək və onların vəsaitlərini saxlamaq üçün müxtəlif aldatma üsullarından istifadə edə bilər. Ümumi üsullardan biri yüksək gəlir vəd edərək vəsait tələbi, vəsaitinizi çıxarmaq üçün arayışın tələb etməsidir.

Başqa bir aldatma üsulu aktivlərin qiymətləri və ya ticarət şərtləri ilə manipulyasiya ola bilər. Broker müştərilərin əlverişsiz qərarlar qəbul etməsinə və ya bazarda pul qazanmasına mane olmaq üçün bazar məlumatlarını təhrif edə bilər. Bu cür hərəkətlər treyderlər üçün ciddi itkilərə səbəb ola bilər.

Şirkətin müvafiq lisenziyaları və tənzimləmələri yoxdur, bu da müştəri maraqlarının qorunması və broker tərəfindən özbaşına hərəkətlərin mümkünlüyü deməkdir. Bundan əlavə, Ib Trading öz fəaliyyətində şəffaflıq və etibarlılığı təmin etmir ki, bu da investorlar üçün əlavə risklər yaradır.

Pullarınızı necə geri ala bilərsiniz?

Təəssüf ki, pullarınızı qaytarmaq çətin olacaq, lakin cəhd edə bilərsiniz. İlk növbədə xarici broker platformalarında aldadıldıqda SEC təşkilatrına müraciət etməyiniz məqsədəuyğundur. Bununla yanaşı, yaşadığınız yer üzrə polisə və broker platformasına pul köçürdüyünüz banka müraciət edib chargeback – “geri ödəmə“ və ya “geri qaytarma” müştərinin bank kartında əməliyyatın ləğvi prosesini işə salmaqdir. Ekvayer bank maliyyə şirkətinin hesabından vəsaiti zorla çıxarır və istifadəçiyə qaytarır. Bu xidmətə ödəniş edildiyi tarixdən 540 gün ərzində müraciət etmək olar.
Əgər köçürmə Mastercard, Maestro, Visa, Mir kartlarından aparılıbsa, vəsaiti qaytara bilərsiniz.
Hər gün oxşar məsələlərlə məşğul olan vəkillərin xidmətinə müraciət etmək daha səmərəli çıxış yoludur. Hüquqşünaslar mümkün qədər tez və düzgün şəkildə geri ödəmədən istifadə edərək pulunuzu necə geri alacağınızı dəqiq bilirlər.

Oxşar problemlərlə üzləşdikdə cert.az saytı üzərindən Elektron Təhlükəsizlik Xidmətinin qaynar xəttinə müraciət edərək saytı araşdırmaq olar.

Yaxın zamanda, Azərbaycanda maliyyə sahəsi üzrə kibercinayətləri araşdıracaq FİN.CERT qurumunun yaradılması gözlənilir.