Yalnızlıq bizə maraqlı və heyrətamiz bir insana – özümüzə diqqət yetirməyi öyrədə bilər.

İki fərqli söz var – tənhalıq və yalnızlıq. Onların hər ikisi eyni vəziyyəti təsvir edə bilər. Ancaq birincisi tez-tez melanxolik və ümidsizliklə, ikincisi isə özünüzlə baş başa istirahət etmək, yenidən işə başlamaq və düşüncələrinizlə tək qalmaq imkanı ilə əlaqələndirilir. Bu dövrdən sonra adətən biz yenilənmiş dünyaya qayıdırıq.

Yalnızlıq üçün fasiləni sizə verilmiş qiymətli hədiyyə kimi qəbul edə bilərsiniz. Bundan faydalanmağa və həyatı daha parlaq edəcək şeyləri öyrənməyə dəyər.

Özünüzü daha yaxşı anlayın və həqiqətən nəyə dəyər verdiyinizi görün.

Partnyorunuzla birlikdə olduğunuz zaman düşüncələrinizin, duyğularınızın və hərəkətlərinizin əksəriyyəti əlaqəni qorumağa yönəlir. Ümumi planlar qurursunuz və bütövlükdə cütlüyün maraqları haqqında düşünürsünüz. Belə bir vəziyyətdə, siz öz prioritetlərinizə diqqət yetirməyə və onların nə zaman fərqli olduğunu fərq etməyə bilərsiniz.

Bəzən düşüncələrinizi dinləmək, özünüzü duyğulara qərq etmək və həyatın bu mərhələsində sizin üçün nəyin vacib olduğunu başa düşmək üçün sadəcə kifayət qədər vaxt yoxdur.

Yalnızlıq və ya tək yaşamaq, indiki özünü daha yaxşı tanımaq üçün əla imkandır.

Sizin üçün münasibətlərdə və ümumiyyətlə həyatda nəyin dəyərli olduğunu anlayın.

Məsələn, əvvəllər əsas o idi ki, yaxın bir insan danışmadan və ya lazımsız suallar vermədən istənilən macəranızı dəstəkləyir. Bunda siz özünüzə qarşı etibar və qəbullanmağı görürdünüz.

Cümə günü axşamı, həftə sonu üçün bir yerə getməyin gözəl olacağını düşündüyünüzdə bir neçə saatdan sonra artıq avtomobildə oturub getiyiniz şəhərdə onlayn yaşayış yeri sifariş etdikdə özünüzü xoşbəxt hiss edirdiniz, çünki qarşıda sizi istirahət etmək və gözəl yerlərdə gəzintiyə çıxmaq imkanı gözləyirdi.

İndi isə uzun uzadı səmimi söhbətlər və ya heçnə danışmadan ikilikdə gəzintiyə çıxmaq sizin üçün daha vacibdir.

Siz həmçinin həyat prioritetlərinizi yenidən nəzərdən keçirə bilərsiniz və keçmişdə səyahətə çıxmağı sevirdiniz isə, indi artıq evdə qalıb dincəlmək və yeni bir işlə məşğul olmaq istəyirsiniz. Məsələn, könüllü olmaq və ya bilmədiyiniz bir dili öyrənmək kimi.

Təklikdə qalmaq özünüzü eşitmək üçün və həyatdan, gələcəkdə münasibətlərdən nə istədiyinizi başa düşmək üçün gözəl fürsətdir.

Həyatınızı istədiyiniz kimi qurun

Yuxarıda qeyd edilən dövrü keçdikddən sonra artıq strateji məqsədlər və mühüm həyat dəyərləri müəyyən edilir və sıra gündəlik işlərə gəlir.

Cütlüklər, bir qayda olaraq, eyni həyat tərzinə köklənmiş olurlar: ikisinində xoşuna gələn yeməklər hazırlayırlar, heç birini qıcıqlandırmayan musiqini dinləyirlər.

Lakin bu o vaxt mümkündür ki, qaldığınız evdə sizdən başqa heç kim yaşamır və siz yalnız öz qaydalarınızla yaşayırsınız.

İstədiyiniz vaxt nahara giləmeyvə ilə dondurma yeyirsiniz, bütün günü evdə pijama ilə dolaşırsınız, həftə sonları səhəriniz hard rock və ya sevdiyiniz etnik musiqi ilə açılır və siz heç kimi oyatmaqdan qorxmursunuz. Elə gündə ola bilər ki, nahara qədər yatıb sonra ən yaxın kafeyə gedib orada nahar edəsiniz və ya çoxdandır istədiyiniz kəsmikli çizkeyki hazırlayıb onu birlikdə yeyəsiniz. Seçim sizindir.

İstəklərinizi dinləyərək üzünüz üçün rahat həyat tərzi qurub, öz qayğınıza qala bilərsiniz və bu yolda öncədən fərgində olmadığınız ehtiyaclarınız ortaya çıxa bilər, hansı ki, mövcud olduğunuz türklər demişkən “kalabalık” ortamda hiss etmək mümkün deyildi.

Şüurluluğa üstünlük verin

İnsan tənha qaldıqda ilkin mərhələdə onda boşluq hissi yaranır. Sonra qaranlıq fikirlər, çoxdan unudulmuş həyəcanlı anlar, köhnə dialoqların fraqmentləri, keçmiş şikayətlər və travmalar xatırlanır. Bu proses yəqin ki, tək qalan hər kəsə tanışdır.

Daxildən gələn səsləri seriallarla, sosial şəbəkələrlə, spirtli içkilərlə boğmağa çalışmağa dəyməz. Duyğuları, həyəcanlı anları və küskünlüklərinizi beyninizin daxilindəki filtirdən keçirib anlamaq və onları geridə buraxmaq vacibdir.

Şüurunuzda səhvi, onun səbəbini anlayıb, üzr istəyib, bağışlayıb buraxmaq kimi meditasiya və müxtəlif şüurluluq təcrübələri buna kömək edə bilər. Lakin tək başına bunun öhdəsindən gələ bilmirsinizsə və ya çətinlik çəkirsinizsə psixoloqa müraciət etmək yerində olar.

Yeni hobbilər axtarın və yaradıcılıq üçün vaxt planlaşdırın

İnsan tək qalanda tez-tez kəşf edir ki, indi çox, hətta çox boş vaxtı var. Deyəsən, bütün dünya maraqlı bir şeylə məşğuldur və ətrafdakı hər kəs xoşbəxtdir, onun isə edə biləcəyi tək şey kədərlənərək və cansıxıcı hisslər yaşamaqdır. Lakin psixoloqların fikrincə, cansıxıcılıq insanı yeni nəsə axtarmağa sövq edən bir emosiyadır, hansı ki, ona özünü canlı hiss etmək üçün yeni məşğuliyyət tapmağa kömək edəcək.

Beləliklə, indiyə qədər maraq göstərdiyiniz bütün hobbilərinizi xatırlaya və onları bir-bir sınaya bilərsiniz. Məsələn, vokal studiyasına yazılın. Dərsdən sonra özünüzü yüksəlmiş və yüngül hiss edirsinizsə, davam edə bilərsiniz. Mahnı oxumaq yetərli effekt vermədikdə, siz rəqs etmək, rəsm çəkmək və ya gitara çalmağı öyrənə bilərsiniz.

Birinci vokal dərsindən sonra niyə ikinciyə getmədiyinizi heç kimə izah etməyə ehtiyac yoxdur.

Heç kim sizi qeyri-ciddiliyə və öz istəklərinizi başa düşməməyə görə məzəmmət etməyəcək – məzəmmət edəcək heç kim yoxdur. Ehtiyaclarınızı anlamağa çalışın və bu prosesə lazım olan qədər vaxt ayırın.

Əsas odur ki, dərhal seçdiyiniz sahədə peşəkar olmağa çalışmayasınız. Yaradıcılıq sevinci, kiçik, lakin əhəmiyyətli nəticələrdən qürur hissi kimi maksimum müsbət emosiyalar yaşamağa kömək edən fəaliyyətləri axtarmaq daha yaxşıdır. Yeni hobbi sizə tanış olmayan bucaqdan baxmağa kömək edəcək və sizi uzun müddət sevindirəcək.

Yeni dostlar tapın

Tənha insan tez-tez ondan başqa hamının görüşdüyünü, planlar qurduğunu və ünsiyyətdən həzz aldığını, bir-birlərinə ehtiyac duyduğunu düşünür. Tərəfdaşından ayrıldığına görə köhnə dostlarınıda itirdikdə isə, vəziyyət dahada kədərlidir.

Hər şey o qədər də kədərli olmasa və dostlarınız və yaxşı tanışlarınız olsa belə, romantik bir əlaqənin olmaması tərk edilmişlik və faydasızlıq hissi yarada bilər. Beləliklə, yeni tanışlıqlar etmək vaxtıdır.

Bunun ən asan yolu yeni hobbi ilə məşğul olmaqdır. Sizinlə eyni məşğuliyyətə həvəsli olan insanlar arasında həmfikirləri tapmaq daha asandır. Məsələn, mövsümi idman klublarını axtara, gəzinti və ya kayakda iştirak edə bilərsiniz – maraqlı insanlarla tanış ola biləcəyiniz hər hansı bir fəaliyyət durğunluqdan yaxşıdır. Çox güman ki, zaman keçdikcə yeni dostlar qazanacaqsınız.