Azərbaycan Respublikası Milli Məclisinin İqtisadi siyasət komitəsinin sədri Tahir Mirkişili elektron icazələrin və kağızda olan icazələrin rüsum fərqi ilə bağlı fikir bildirib.

Komitə sədri bildirib ki, elektronlaşma nəticəsində elektron sənədin pulsuz başa gəldiyi anlamına gəlmir, bu yanliş fikirdir.

Elektron Hökumətin inkişafı sahibkarlara verilən icazələrin dövlət rüsumlarına necə təsir edir?
Kagız sənəd elektron sənəddən bahadırmı? pic.twitter.com/xk5KBo5iOx

— Tahir Mirkishili🇦🇿 (@mirkishili) May 8, 2024

https://platform.twitter.com/widgets.js

“Bəzi insanlar düşünür ki, bir sənəd kağizda çap edib verilirdisə onun qiyməti 100 manat idi, artıq elektron verilirsə onun rüsumu 50 manat olmalıdır. Əslində isə elektron sənədin ərsəyə gəlməsi kağız sənədin hazırlanmasından qat-qat baha başa qalır. Bu gün bizim hər birimizin önündə planşetlər var, bu çox rahatdır, sənədlər elektron formada bizə gəlir, biz onlarla tanış oluruq, lakin bunun arxasında Milli Məclisin rəhbərliyinin böyuk şeyi və dövlətin ayırdığı böyük vəsaitlər durur. Elektron sistemlərin nəinki yaradılması, onların saxlanılmasıda çox böyük xərc tələb edir. Buna görədə heç zaman düşünməyin ki, elektron sənəd daha ucuz olmalıdır. Elektronlaşmanın əsas məqsədi istifadiçilərin rahatlığını, sənəd mübadiləsinin sürətləndirilməsidir və ətraf mühitin qorunmasını təmin etməkdir və bu proses elektron xidmətlər üzrə rüsumların daha ucuz olması üçün həyata keçirilmir”, – T. Mirkişili qeyd edib.

Komitə sədri, sahibkarların rüsumlarla bağlı iradlarını şərh edərək bildirib ki, biznesinə 34 mln manat minimum vəsait qoyan iri sahibkar üçün 150 manat dövlət rüsumu ödəmək böyük bir problem deyil.

“Dunyanın bir çox ölkəsində bu cür rüsumlar qat-qat daha bahadır, ona görədə düşünürəm ki, sahibkarların iradları əsassızdır”, – deyə o qeyd edib.